Калабри апат-çимĕçĕ — Калабри регионĕнче сарăлнă апатлану йăли.
Кунти апат-çимĕç уйрăмлăхĕ — кăнтăр итали, анлăрах каласан — вăтаçĕр тĕсĕ, унта аш-пăш (сысна, така, качака), пахча (уйрăмах баклажансем) тата пулă çимĕçĕ кĕрет. Апат-çимĕçе — пĕтĕм Италири пекех — пастăпа (чуста пек макарон) тĕхĕмлеççĕ. Италин ытти регионĕсемпе танлаштарсан, климат ырлă пулманнипе е тыр-пул сахал килнипе калабрисем çимĕçе упрама вĕреннĕ. Çавăнпа вĕсем аш-какая е пахча çимĕçне оливка çăвĕнче упраççĕ, кăлпасси тата сивĕтнĕ какай ассорти (Sopressata, Nduja), çыран çумĕнчи зонăра — пулăна (сабли, сардина (sardelle rosamarina) тата треска (Baccalà)) тĕтĕмлеççĕ.
- Melanzane alla menta — пĕтнекпе тăварланă баклажансем
- Pitta coi pomodori — томатпа хатĕрленĕ пита
- Pesce spada alla ghiotta — томат соусĕпе тĕхĕмлесе сабли пулăран тунă рулетсем
- Zippuli -
- Cuzzupa — раштав кукăлĕ
Десертсем — ăшаланă, пыл сĕрнĕ пылак кукăльсем (Cudduraci, scalille или scalidde) е бисквит евĕр пĕçернисем (сăмахран, 'nzudda).
Качокавалло (Caciocavallo) сыр, хĕрлĕ сухан, ăшаланă сысна какайĕ (Frìttuli е Curcùci), Liquorice (liquirizia), Lagane e Cicciari (ceci) (нутпа хатĕрленĕ лазанья евĕр çимĕç), сурăх сырĕ (Pecorino Crotonese) тата пиньолата (Pignolata) апат-çимĕç хатĕрленĕ чухне кирлĕ компонент пулаççĕ.
Калабри эрехĕсем пирки Итали тулашĕнче пĕлмеççĕ, çапах та авал Калабриа Энотриа (грек Οἰνωτρία, тӳррĕн - «эрех çĕр-шывĕ») ятлă пулнă пулсан та. Ĕлеххи грек йăлипе, Энотриа терми Ликаонăн чи кĕçĕн ывăлĕ Энотр (грек Οἴνωτρος) ятĕнчен пулса тухнă [1]. Хăшпĕр иçĕм çырли тĕммисене Итали çĕрне грексем колониленĕ тапхăрта лартнă. Кунта чии паллă эрехсен сорчĕсем: Cirò (Кротоне провинцийĕ) тата Donnici (Козенца провинцийĕ).
- Coria (or Frittule) 'ccu fasuli e cipulle: сысна тирне пăрçапа, хĕрлĕ суханпа хатĕрленĕ.
- Frittata i Carunevale: марди-гра тĕлне кашни çемьере çăмарта хăпартăвне спагеттипе, рикотта чăкăтпа тата кăлпассипе.
- Patate 'ccu pipe e mulinciane: пăрăçпа е баклажанпа ăшаланă каснă паранкă, хăш чухне сысна тирне е какай татăкĕсене хушаççĕ.
- Minestra e fasuli: тĕхĕм курăкĕсем, пĕçернĕ е кăштах ăшаласа илнĕ (пăрçапа, хăш чух чили пăрăçĕпе те).
- Mulinciane e pummaduari: çупа тата чĕрĕ помидорпа баклажан (çуллахи, уçăлтаракан çимĕç).
- Spezzatino (Stew): пăспа лартнă сысна ашĕ, ăшаланă помидорпа тата томат соусĕпе.
- Pitticelle: чустаран тунă лапчăк кукăльсем, хăш чухне кавăн чечекĕпе, кабачокпа е оливкăпа.
- Zippuli:(нумай хисепре: Zippula) чустана ăшаласа тăваççĕ. Калабрире ăна çĕрулмипе пĕрле, анчоуса ăшне хураççĕ.
- Pasta 'mbiancu e baccalà: пастăпа (макарон тĕсĕ) трескана пĕçерсе оливка çăвĕпе сĕреççĕ. Типĕ тытмали тĕн уявĕсенче (Адвент, Раштав) çиеççĕ.
- Baccalà e patate vullute: томат соусĕпе пĕçернĕ трескана пысăккăн каснă паранкăпа çиеççĕ.
- Alici fritte: çу çинче лимонпа е апельсинпа тĕхĕмлесе пĕçернĕ пĕчĕк анчоуссем.
- Alici sutt’uaglio: çуллă анчоуссем, çăкăрпа, ореганпа тата типĕтнĕ томатпа пĕрле çиеççĕ.
- Alici 'mpipate: анчоуса пăрăçпа е чили соусĕпе хатĕрлеççĕ, çăкăрпа çиеççĕ.
- Cuzzupa: раштав кукăлĕ ăшне çăмарта хураççĕ.
- Bucchinotti е Buccunotti: калабри кукăлĕ, иçĕм джемĕпе е иçĕмпе какао хушса тутанаççĕ.
- Pani i castagna: castagnaccio пекскер, пĕчĕкрех тата хулăмрах, хыр йĕкелĕсемпе, иçĕмпе, шешкĕ е грек мăйăрĕпе.
- Turdilli: ăшаланăскер (Раштава валли хатĕрлеççĕ), спираль евĕр, пылпа астивеççĕ.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
