From Wikipedia, the free encyclopedia
L'esprissioni Mediu Urienti (o Mediu Oriente) indicheghja in l'usu cumunu a rigioni accupata da i Nazioni, da i Paesi è da i Stati di l'Asia sudu-uccidintali, partendu da punenti versu livanti: da a Turchia à u Pakistan, cumprindenti ancu i paesi arabi di a penisula araba, par mutivi giugrafichi, currispundenti a listessa rigioni idantificata com'è Vicinu Urienti. I sei principali gruppi linguistichi di l'aria sò u persianu, l'arabu, l'ebraicu, l'assiru, u curdu è u turcu.
.svg)
I Nazioni, i Paesi è i Stati, in ordini alfabeticu, chì facini parti di l'aria sò 19: Afganistanu, Arabia Saudita, Bareine, Cipru, Egittu, Emirati Àrabi Uniti, Giurdania, Iraccu, Iranu, Israeli, Kuwait, Libanu, Oman, Pacchistanu, Palestina, Qatar, Siria, Turchia, Yemen.
L'aria mediurientali pussedi scarsissimi risorzi idrichi.
Sturicamenti, l'esprissioni Mediu Urienti diriveghja da a suddivisioni amministrativa ch'è a Gran' Britagna avia uparatu par u mondu asiaticu chì dipindia da edda in periodu culuniali, ma si rifiriscia in urighjina à una rigioni diffarenti da quidda attuali: u cambiamentu di significatu hè duvutu à l'influenza americana. L'esprissioni Near East indicava infatti par u Foreign Office è u Ministeru di i Culonii u mondu arabu sottupostu à u duminiu ottumanu, da u Maroccu à a Turchia cumpresa, includendu ci a stessa Grecia chì di l'Imperu Ottumanu "vicinu-uriintali" facia tandu parti è chì divintò indipindenti solu in u 1820-21. L'esprissioni Middle East idantificava inveci l'aria (micca esclusivamenti islamica) ch da a Persia ghjunghjia finu à tuttu u sub-cuntinenti Indianu chì facia parti à l'ebbica di u so duminiu. L'esprissioni Far East si rifiriscia infini à l'aria chì si stindia ancu di più à l'Urienti. Un equivalenti di quissa, incù calchì diffarinziazioni minori, fù usatu ancu da a Francia chì imprudava (è sempri improda) currintamenti i tarmini Proche Orient, Moyen Orient è Extreme Orient. In Italia inveci una discreta cunfusioni incita à accumunà Vicinu Urienti à Mediu Urienti, incù una pridilizioni par st'ultima difinizioni, incù soprappusizioni chì sò duvuti essinzialamenti à una inadiquata catigurisazioni giu-pulitica di l'aria intreia par i carattaristichi di a storia culuniali Taliana. Firmeti infatti limitata à l'aria africana è ùn sintì alcuna nicissità d'individuà incù pricisioni burucratica parechji è disumugenii rigioni di u mondu, limitendu si par via di cunsiquenza à crià par Eritrea, Sumalia è, par brevi periodu, Abissinia, l'esprissioni "Africa Uriintali Taliana" chì, par rifiriscia si à u cumplessu di i duminii taliani d'oltrimari, includendu ci a Libia, si ricurria à a più simplici difinizioni di "Africa Taliana". A sprissioni "Mediu Urienti" hè quantunqua stata ricivuta è usata in u mondu arabu (à u-Sharq à u-awsat) chì frà altru ricorri assà più vulinteri à i tarmini "Màghreb" è "Màshreq" (rispittivamenti "Uccidenti" è "Urienti") par idantificà i paesi arabi nordafricani, incù l'esclusioni di l'Egittu da u quali, versu l'arii arabufoni più uriintali, s'usa par appuntu u tarmini Màshreq. A cunfusioni ùn si scontra micca inveci par l'arii "vicinu-uriintali" d'ità antica (pricidenti à a cunquista araba) par i quali hè stata aduttata oramai l'esprissioni accadimicamenti attistata di "Vicinu Urienti anticu".
In u Mediu Urienti viviani molti populi, in maiuranza musulmani. I principali sò l'Arabi, i Turchi, l'Iraniani è i Curdi. L'Arabi sò urighjinarii di a penisula arabica, induva formani a maiò parti di a pupulazioni cusì com'è in Libanu è in Giurdania, in Iraccu è in Siria; molti Arabi viviani ancu in Israeli. Nonustanti l'Arabi fussini cunsidarati un unicu populu, trà eddi ci sò diffarenzi prufondi, chì à volti sò à l'urighjina di cunflitti. I Turchi, stabiliti si in sta rigioni in u Bassu Medievu, viviani in Turchia è in minuranza in l'isula di Cipru. Sò Turchi ancu l'Azeri (Iran è Azerbaigian). L'Iraniani sò i discindenti di i Persiani è sò u populu più numarosu in Iran; sò musulmani sciiti è micca sunniti. I Curdi viviani da tempi antichissimi in una vasta rigioni cumprindenti a Turchia sudu-uriintali, l'Iraccu sittintriunali, una parti di l'Iran uccidintali è parechji lembi in Siria. Sò oltri 30 milioni, ancu s'è i guverni di l'Iraccu, di a Turchia è di l'Iran ani à longu nigatu a so esistenza, difiniscendu li com'hè "Turchi di i muntagni". Sti guverni ani fattu una riprissioni feroci incù unu starminiu sistematicu di i civili, soprattuttu da parti di l'Iraccu. Vicinu à sti pupulazioni più numarosi ci ni sò altri ugualamenti impurtanti: l'Abrei, abitanti di a Palestina in l'ità antica, si sparguglietini in altri rigioni in u periodu di u duminiu rumanu (diaspora ebraica). Molti Ebrei vultetini in Palestina o sottu u duminiu inglesu o dopu a siconda guerra mundiali. Oghji l'immigrazioni d'Abrei in Israeli cuntinueghja, incuraghjita da u guvernu chì punta à rinfurzà a prisenza ebraica in a rigioni: l'Abrei israiliani pruvenini dunqua da i Paesi auropei, asiatichi è africani è formani un gruppu moltu eterugeneu, ancu s'è accumunatu da a riligioni israilitica. In sta rigioni viviani ancu da tempi antichi parechji populi cristiani: Armeni è Grechi. L'Armeni fundetini un regnu probbiu è funi dopu sottumissi da i Turchi ottumani. Erani numarosi in a Turchia uriintali finu à l'iniziu di u XX seculu, ma l'Ottumani, in u duminiu di a prima guerra mundiali, fecini un massacru sistematicu di l'Armeni. I Grechi si trovani solu in l'isula di Cipru, induva formani a maiuranza di a pupulazioni. Un tempu erani numarosi ancu in l'oghjinca Turchia, ma funi custretti à andà si ni dopu a prima guerra mundiali. In i zoni disertichi di a penisula arabica ci sò populi nomadi, ma in a maiò parti di a rigioni a pupulazioni vivi in paesi è in cità. Di solitu a pupulazioni urbana hè più numarosa di quidda rurali è tendi à aumintà par l'immigrazioni da i campagni. Parechji cità ani un'urighjina antichissima (Ghjerusalemma, Damasco è Baghdad, mentri altri sò moltu ricenti. Parechji cità subraneghjani u milionu d'abitanti è frà i cità principali ci sò Istanbul, in Turchia, Teheran, capitali di l'Iran, è U Cairu, in Egittu. A rigioni hè intarissata da varii finomini migratori: spustamenti da i paesi più povari versu i paesi pruduttori di pitroliu; emigrazioni versu l'Auropa (soprattuttu in Germania); spustamenti interni incausati da guerra è parsicuzioni; migrazioni d'Abrei versu Israeli.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
