Marcu Biancarelli

Marcu Biancarelli, di Portivechju, hè natu in 1968, hè unu scrivanu in lingua corsa.

Cofundatore di a rivista A Pian' d'Avretu in 1991, a so prima racolta di puisii, in Viaghju Vivaldia, hè stata publicata in u 1999. À tempu cù u so travaddu narrativu, hà dinò travaddatu com'è dramaturgu, pueta è scrivanu di canzoni. Molti di i so publicazioni sò stati tradutti in francesu.

In u 2001 è in u 2002 hè statu primiatu incù u premiu litterariu Premiu Finzione di Ouessant di a Litteratura Isulana. In u 2007 hà scrittu a so terza racolta di raconti, Stremu Miridianu, chì hà ricivutu u premiu "Scelta di i littori di Corsica".

In audiuvisivu, hà scrittu Lettre de Porto Alegre (2002) realizatu da Eric Guéret è Serge Orru.

Una antra pezza, Cuntruversa di Valdu Nieddu, hè stata purtata à u teatru in 2006 da u grupu teatrali I Stroncheghjetta. Cristianu Ruspini è Ghjuvan' Petru Lanfranchi anu adattatu a nuvella 51 Pegasi astru virtuali. Hà cumpostu e canzone Corsican beauty (I Cantelli 2005) è Ultimu viaghju di Stepan Trofimovich (Paulu Miniconi 2007).

Opari

• Viaghju in Vivaldia - Puisii, Le Signet, 1999
• Prighjuneri - Nuvelli, Albiana, 2000 (traduttu in francesu da Ghjilormu Ferrari)
• San Ghjuvanni in Patmos - Nuvelli, Albiana, 2001 (traduttu in francesu da Ghjilormu Ferrari, Didier Rey è l'autori)
• Parichji dimonia - Puisii, Albiana, 2002
• 51 Pegasi astru virtuali - Rumanzu, Albiana, 2003 (traduttu in francesu da Ghjilormu Ferrari)
• Stremu miridianu - Nuvelli, Albiana, 2007 (traduttu in francesu da Ghjilormu Ferrari, Paulu Desanti, Bernardu Biancarelli è l'autori)
• Murtoriu - Rumanzu, Albiana, 2009
• Vae Victis - Assaghju, Materia Scritta, 2010
• Cusmugrafia - Croniche litterarie, Colonna Edizione, 2011
• Cuntruversa di Valdu Nieddu - Teatru, Materia Scritta, 2012
• Dopu à i muntaneri (nuvella), 2012