Una galassia à spirali (o galassia à spirale) hè un tipu di galassia di a siquenza di Hubble, carattarizatu da i siguenti prubità:
- Hè cumposta da un bulbu cintrali circundatu da un discu
- U bulbu s'assumidda à una piccula galassia ellittica, cuntinenti monda steddi vechji (a cusidditta pupulazioni II), è à spissu un tafonu neru supermassicciu in u so centru
- U discu hè un agglumiratu di steddi ghjovani di pupulazioni I, ammassi aparti è nivuli di gasu, piattu è chì ghjira
- Hà un mumentu angulari cunsidarevuli.
I galassii spirali pigliani u so nomu da i brillanti bracci di furmazioni stiddari prisenti in u discu, chì si stendini à l'incirca com'è una spirali lugaritmica da u bulbu. Sti bracci poni essa più o menu evidenti, è à volta sò difficiuli à veda, ma distinguini quantunqua i galassii spirali da quiddi linticulari, chì ani ancu iddi un discu ma senza bracci.
U discu di i galassii spirali hè in genaru circundatu da un grandi alonu sferuidali di steddi di pupulazioni II, a maiò parti di i quali sò cuncintrati in ammassi glubulari in orbita intornu à u centru galatticu.
A noscia galassia, a Strada di Roma, hè una spirali, incù una classificazioni di Hubble Sbc (forsi SBb, parchì ricenti ussirvazioni ani parmissu di custattà a prisenza d'una piccula barra vicinu à u bulbu).
Una galassia à spirali particulari hè a cusidditta Galassia cumeta, membru di l'ammassu di galassii Abell 2667: si tratta prubabilamenti d'una galassia ussirvata duranti una rapita fasa di trasfurmazioni da a forma à spirali à quidda linticulari.
Liami esterni
Spiral Galaxies, SEDS Messier pages
Noti
Fonti
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
