16 nuvembri

U 16 nuvembri hè u 320esimu ghjornu (u 321esimu ghjornu s'è l'annata hè bisesta) di u calendariu gregorianu.

Uttrovi - Nuvembri - Dicembri
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Evenimenti

Nascite

- 1955 - Guillermo Lasso presidente di l'Ecuador da u 2021.
- 1976 - Babo (Eduardo Davalos de Luna), rapper messicanu.

Morte

- 1952 - Charles Maurras, ghjurnalistu, assaghjistu, omu puliticu è pueta francese.

• 
  Clark Gable (1u di ferraghju 1901-16 nuvembri 1960), 1935

Celebrazione

Feste

I Santi

Santa Margherita di Scozia. Santa Gertrude.

Margherita, nata versu l'annu 1046, era una figliulina di u rè d'Inghilterra, rifugiata in a Scozia quandu, l'annu 1066, i Nurmani anu cunquistatu u paese.

A' l'età di 26 anni Margherita si marita cù u rè di Scozia, Malcomu Terzu, chì ne hà 45, è li face ottu figlioli. Malcomu, assai devuziunosu, associa a moglia à u guvernu di u paese. Margherita riesce à intruduce a liturgia rumana in a Chjesa scuzzese è face fà, in Edimburgu, un munasteru nantu à u mudellu di quellu di Cluny, in Francia.

Hè morta à u castellu di Edimburgu, u 16 nuvembre 1093, quattru ghjorni dopu à chì i Nurmani d'Inghilterra abbianu assassinatu u maritu chì guvernava u paese da 37 anni.

Etimolugia è nomi: Cf Margherita Bourgeoys (12 ghjennaghju).

Paesi è cità: Scozia.

Prutezzione: donne in partu.

Gertrude era una Alemana nata versu l'annu 1256, morta à 45 anni.

Un' si sà di qual'ella ne era nè da duv'ella surtia. Ciò chì si sà hè ch'ella avia cinque anni quand'ella fù accolta da e sore di l'abbazia di Helfta, in Sassonia, è ci hà passatu a so vita. Custì, e sore a si scialavanu: passavanu u so tempu à discute filosufia, literatura, à fà è stà à sente a musica. Gertrude fece cum'è l'altre sinu à l'età di 25 anni. Hà dettu: "Di a mio anima mi ne penserava quant'è di i mio vechji scarpi. Era una pagana mezu à pagane". Tandu hà pinsatu à a vita eterna, si hè vista persa è hà suffertu u martiriu durante un mese.

Una sera, à l'attrachjata, hè affaccatu, in camera, un giovanu assai bellu, assai distintu. Era un anghjulu chì li annunziava l'amore di Ghjesù. Da tandu, campò in visibiliu, cù gioie imense. Disse: "O Signore, u vostru più grande miraculu hè di avè ubligatu a Terra à purtà una peccatrice cum'è mè!".

Gertrude era pueta è hà lasciatu scritti di gran valore spirituale è litterariu. E so rime latine celebreghjanu, cù a fede cristiana, a natura, l'amore è a morte.

Etimolugia: da u germ. "ger" (lancia) è "trud" (fida).

Nomi: Drück, Drut, Gartrude, Geerdine, Geertruida, Geeske, Gerda, Gerdie, Gerdrugt, Gertraud, Gertraut, Gertrud, Gertruda, Gertrude, Gertrudis, Gertrut, Gesine, Getoussia, Giertru, Gletruda, Jertrud, Traudel, Truda, Trude, Trudie, Trudy, Tula, Tuta.

In Corsica

Ligami

• L'almanaccu 2006 di l'Adecec Archiviu 2006-04-22 at the Wayback Machine

I mesi di l'annu

Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre