paese di l'America settentriunale From Wikipedia, the free encyclopedia
I Stati Uniti d'America, in cortu, i Stati Uniti ò i SUA (in inglese : United States of America, United States, USA, U.S.) sò un Statu di l'America settentriunale annant'à l'Oceanu Atlanticu è l'Oceanu Pacificu. Hè ancu à spessu chjamatu "America", ma st'usu hè scurettu perchè l'America hè un cuntinente, è micca solu un paese.
Stati Uniti d'America United States of America | |||||||||
---|---|---|---|---|---|---|---|---|---|
| |||||||||
Mottu: In God We Trust (Cunfidemu in Diu) | |||||||||
Lingue ufficiali | inglese (di fattu) | ||||||||
Capitale | Washington D.C. (563 384 ab. / 2003) | ||||||||
Pulitica | |||||||||
Forma di guvernu | Republica presidenziale federale | ||||||||
Presidente | Joe Biden | ||||||||
Indipendenza | u 4 di lugliu 1776 | ||||||||
Entrata in l'ONU | 24 d'ottobre 1945 1. Hè membru permanente di u Cunsigliu di Sicurezza | ||||||||
Superficia | |||||||||
Tutale | 9 417 251 km² | ||||||||
Acque | {{{superficieAcqua}}} % | ||||||||
Pupulazione | |||||||||
Tutale | 328 239 523 ab. | ||||||||
Densità | 31 ab./km² | ||||||||
Geografia | |||||||||
Cuntinente | America settentriunale, America (doppiu cuntinente) | ||||||||
Fusu orariu | UTC-5 à UTC-11 | ||||||||
Ecunumia | |||||||||
Muneta | Dollaru statunitense (USD)
| ||||||||
ISU (2004) | 0,948 (altu) (8°) | ||||||||
Energia | {{{energia}}} kW/ab. | ||||||||
Varie | |||||||||
Duminiu internet | .us .um .edu .gov .mil | ||||||||
Indicativu telefonicu | +1 | ||||||||
Siglu autom. | US | ||||||||
Innu | The Star-Spangled Banner (A bandiera adorna di stelle) | ||||||||
Festa naziunale | {{{festa}}} | ||||||||
1Hè unu di i 51 Stati chì hanu datu vita à l’ONU in u 1945. |
A capitale hè Washington DC.
A presenza umana a più antica hè stata custatata 20 000 anni fà, è si truvava in Alaska.
Ci sò state parechje civilisazione chì si sò sviluppate è chì sò sparite prima di a vinuta di i primi Auropei, cume i Anasazis o i "Mound Builders".
Ma quandu ghjunghjenu i coloni in America, 'ssa terra ùn hè per u tantu biota : ci si trovanu assai Amerindiani.
U cuntinente americanu è statu scupertu dà Cristofaru Colombu, un navigatore ghjenuvese (chì avia campatu in Corsica), in u 1492.
U paese u più anzianu si chjama Saint Augustine (fundata 1565), in Florida, fundatu da i Spagnoli. Dopu, venenu l'Inglesi, in Virginia è in ciò chi diventerà a Nova Ingliterra. Ghjè in st'ultimu chì ghjunghjenu i Patri Pelegrini (Pilgrim Fathers), di religione protestante ma micca anglicana, invece a ghjente di u Sudu di e colonie sò anglicani. Quandu ind'u nordu si custruisce una sucetà ugualitaria, u mudellu suciale di u sudu hè quellu di u "gentleman farmer", è hè dunque di più aristocraticu. Un episodu interessante di st'epica hè a fundazione di a Pennsylvania da i Quakers. Plymouth è fundata in 1620 dà l'Inglesi, è a Nova Amsterdam (chì diventerà dopu New York), hè custruita da l'Olandesi in u 1624.
A cunquista di sti territorii novi ùn si fecenu micca senza viulenze trà i culoni è l'Amerindiani, chì morenu ancu di malatia.
À pocu à pocu si stalla in i SUA un ambiu di razzisimu, contr'à l'Indiani, ma ancu è sopratuttu contr'à i Neri chì sò purtati d'Africa in batelli pè diventà servi. A schjavitù hè assai disseminatu ind'u Sudu (cume in Virginia) duve s'impieghanu i schjavi chì servanu di manu d'opera à bon'mercatu ind'i campi di cutone è di tabaccu.
In u 1775, ci campanu 2 millione d'abitanti. A più grande cità hè tandu Philadelphia, incù 40 000 abitanti.
I SUA pruclamonu a so indipendenza u 4 ghjuliu 1776, dopu parechji anni di tensione incù a Grande Britannia, anzituttu à prupositu di a pulitica fiscale. Ben' intesu, l'Inglesi ùn l'accetanu micca. Fù tandu u principiu di una guerra chì durara fin'à lu 1783.
A Dichjarazione d'Indipendenza di i Stati Uniti hè firmata famosa pè avè pè a prima volta ind'a storia parlatu di i diritti inalienabili di l'omu, dicendu :
«... Tenemu cume evidente e seguente verità : tutti l'omi nascenu uguali ; sò dutati da u Creatore di certi dritti inalienabili ; à mezu à 'ssi dritti si trovanu a vita, a libertà è a ricerca di u benistà ... »
L'armata britanica hè più numarosa è megliu armata cà l'armata americana, cumposta sopratuttu di milizie. I primi tempi di u conflittu, sò dunque assai difficile pè l'insuretti.
Ma u rapportu di forza scambia quandu La Fayette vene à aiutà e truppe di George Washington. In fine di contu, e truppe britanniche sò disfatte è hè signatu u Trattatu di Parigi chì ricunnosce a suverenità di l'anziane culonie.
Stu novu paese deve avale inventà istituzione nove pè rimpiazzà l'administrazione culuniale. Ma ci hè un cuntrastu trà dui gruppi d'omi politichi :
I Stati Uniti sò una federazione di 50 stati. Washington DC, a capitala, ùn face parte di nissunu Statu, è ci vole ancu à mintuvà chì Porto Rico è parechje isule di u Pacificu facenu parte di i SUA.
|
|
|
I Stati Uniti sò a prima putenza economica di u mondu. Facenu parte di u G8 è di u G20, è ancu di l'OCDE è di l'ALENA (zona di libaru-scambiu di America di u nordu). A maioria di e grande imprese multinazionale anu u so sede suciale in i Stati Uniti (PepsiCo, Microsoft, ecc… )
E più zone dinamiche sò situate à a fruntera cù u Messicu, a Silicon Valley è di manera generale u litturale punente, è ancu u littorale este, cù a piazza finanzaria di Wall Street, o l'industria aerospaziale in Florida (Cape Canaveral).
Malgradu quessa, ghjè di i Stati Uniti chì hè partita a crisi economica di 2010, cù a crisi di i subprimes in u settore immobiliare, chì s'hè sparsa dopu à u restu di u settore finanzariu (cù a bancarotta di Lehman Brothers di settembre di u 2008) è à l'«economia reale». L'economia di i Stati Uniti hè ancu indebulita da un tassu di debite assai impurtante.