![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/68/Miss_R_dam_27.jpg/640px-Miss_R_dam_27.jpg&w=640&q=50)
Mississippi
From Wikipedia, the free encyclopedia
U Mississippi hè un fiume di l'America settentriunale chì traversa a parti cintrali di i Stati Uniti d'America. Nasci in u nordu di u Minnesota è sfocia in u Golfu di u Messicu scurrendu versu u sudu. U Mississippi hà una lunghezza cumplissiva di circa 3.780 km: solu unu di i so affluenti, u Missouri, hè più longu in u Nordu America. A lunghezza tutali di sti dui fiuma supareghja i 6.800 km, è u bacinu idrugraficu di u Mississippi-Missouri ni facini unu di i più cunsistenti sistemi fluviali in u mondu. Duranti l'ebbica pre-culumbiana u Mississippi era dighjà una via navighevuli è i nativi americani u chjamavani "Meschacebé" chì significheghja "patri di l'acqui". Oghji u fiumu hà un'impurtanza vitali par l'ecunumia è a cultura americani.
![Thumb image](http://upload.wikimedia.org/wikipedia/commons/thumb/6/68/Miss_R_dam_27.jpg/640px-Miss_R_dam_27.jpg)