![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/71/Cercis_siliquastrum_JPG1a.jpg/640px-Cercis_siliquastrum_JPG1a.jpg&w=640&q=50)
Arburi di Ghjuda
From Wikipedia, the free encyclopedia
L' arburi di Ghjuda (o arburu di Ghjuda) (Cercis siliquastrum) hè un arburi chì faci parti di a famiglia di i Cesalpiniaceae. Hè altu sei à deci metri. Cresci lestru i primi anni l'arburi di Ghjuda, eppo dopu più pianu. In certi loca, hè chjamatu arburi di Ghjudea, fenda rifarenza à a rigioni d'induva eddu hè urighjinariu. À i ghjorna d'oghji, l'arburi di Ghjuda si scontra in u meziornu di l'Auropa è in a parti uccidintali di l'Asia. Hè un arburi chì si piaci à u soli, ma chì temi u ventu forti.
![Thumb image](http://upload.wikimedia.org/wikipedia/commons/thumb/8/89/Cercis_siliquastrum0.jpg/320px-Cercis_siliquastrum0.jpg)
![Thumb image](http://upload.wikimedia.org/wikipedia/commons/thumb/2/2a/Cercis_siliquastrum_MHNT.BOT.2007.40.59.jpg/640px-Cercis_siliquastrum_MHNT.BOT.2007.40.59.jpg)
| |||||
---|---|---|---|---|---|
![]() | |||||
Cercis siliquastrum | |||||
Classificazioni scentifica | |||||
Regnu | Plantae | ||||
Divisioni | Magnoliophyta | ||||
Classa | Magnoliopsida | ||||
Ordini | Fabales | ||||
Famiglia | Cesalpiniaceae | ||||
Genaru | Cercis | ||||
Nome binuminale | |||||
Cercis siliquastrum Linnaeus, 1753 | |||||
![]() | |||||
Parechji sinonimi di Cercis siliquastrum sò:
- Cercis siliquosa
- Cercis florida
L'arburi di Ghjuda perdi i casci. I fogli sò verdi chjari, à forma di cori.
L'arburi di Ghjuda hè un arburi magnificu: faci mori fiori è i so casci sò à forma di cori. Difatti, l'arburi di Ghuda s'usa mori par l'urnamentu in i giardini, in l'ariali di u Mari Tarraniu. Di manera uriginali, i casci nascini dopu à i fiori, in cuntrastu incù parti di tutti i spezii d'arburi. I fiori sò rusulini è nascini dirittamenti à u liveddu di u fustu di l'arburi è di i brancona. Accadi à volti à volti ch'è i fiori fussini bianchi, incù certi variità d'arburi di Ghjuda, ma hè rarissimu. L'arburi di Ghjuda fiurisci d'aprili o di maghju. I fiori ùn nascini annantu à l'arburi cà dopu à a quarta o a quinta annanta di l'arburi di Ghjuda.
![Thumb image](http://upload.wikimedia.org/wikipedia/commons/thumb/b/bd/Cercis_siliquastrum_-_leaves.jpg/640px-Cercis_siliquastrum_-_leaves.jpg)
U nomu « arburi di Ghjuda » faci rifarenza à a lighjenda chì Ghjuda s'appiccheti à una branca di 'ssu arburi, dopu à avè traditu à Cristu. Subitu dopu, i fiori sariani diventati rusulini, da a vargogna. Ma siont'è un' antra lighjenda, i fiori chì nascini dirittamenti annantu à u fustu, sariani i lacrimi di Cristu.