Amandulu
From Wikipedia, the free encyclopedia
From Wikipedia, the free encyclopedia
Hè un arburu di a famidda di i Rosaceae (chi cumprendi i rusulaghji, i parsichi, i chjarasgi). Natu in u nordu di l'Africa è di l'Asia uccidentali ghjunghji in Auropa à u midievu. Hè un arburu chjucu, misura circa 9 metri. Vivi da 50 à 80 anni. I so ràdichi sò putenti è t'hani pochi ramificazioni. L'amandulu bastardu si vedi in piaghja : i so amanduli sò sempri àmari. L'amandulu insitutu hè listessu mà i so frutti sò più dolci. Temi u fritu è hà bisognu di lumu, di soli è d'aria sicca. Par quissa a Corsica è a costa meditarrania sò siti parfetti par a so cultura. Li cunveni bè una tarra povara, pitrosa, sicca o ancù salita è calcària.
Amandulu | ||||||||||||
---|---|---|---|---|---|---|---|---|---|---|---|---|
L'amandulu | ||||||||||||
Classificazione scentifica | ||||||||||||
| ||||||||||||
Species | ||||||||||||
Prunus dulcis (Mill.) D. A. Webb | ||||||||||||
L'amandulu, i fiori |
I so fogli sò ovali, lunghi.
I fiori sò parechji ma solamenti una sopra trè darà un fruttu. Sò bianchi o rosulini è sbucciani da marzu à aprili. L'amandulu hè u prima arburu fruttevulu à fiurisci à a fini di l'inguernu. U muscu di i so fiori svighja l'abbi adurmintati. I frutti da 4 à 6 centimetri di longu sò d'aspettu viddutosi, di culori verdi è cuntenini una naciola o dui.
A medda epica par piantà l'amandulu hè da a fini di nuvembri à i primi ghjorna di dicembri. Un amandulu cumincia à dà i frutti versu a so terza annata.
Un locu piantatu à amanduli hè un amanduletu. U legnu di l'amandulu piaci monda à i bancalari. L'amandulu hè u simbulu di a virghjinità cun i so fiori bianchi chi vestini l'arburu com'è una spusata.
In Corsica, l'amandulu t'hà a so fiera d'aostu in Aregnu: a "fiera di l'amandulu".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.