فەرماندەی سەربازی پارتی کرێکارانی کوردستان (بەوەکالەت) From Wikipedia, the free encyclopedia
موراد قەرەیلان (بە کوردیی باکووری: Mirad Qarayîlan؛ لەدایکبووی ١٩٥٤) کەسی دووەمی پارتی کرێکارانی کوردستان و سەرکردەی ئێستای ئەو پارتە. لە دوای دەستگیرکردنی کەسی یەکەمی پەکەکە عەبدوڵڵا ئۆجەلان ئەو بوو بە سەرکردە ئەو پارتە و سەرکردەی ھەپەگەیە. سەرۆکی پێشووی کۆنسەی سەرۆکایەتی کۆما جڤاکێن کوردستان بوو.
موراد قەرەیلان | |
---|---|
![]() موارد لە ٢٠٠٥ | |
لەدایکبوون | 1954 (تەمەن ٦٩–٧٠) بێرەجووگی، ڕحا، تورکیا |
دڵسۆزی | پارتی کرێکارانی کوردستان |
پێکدادانەکان/جەنگەکان | ناکۆکیی تورکیا و کورد |
موراد قەرەیلان لە ساڵی ١٩٥٤ لە شارۆچکەی بێرەجووگی سەر بە شاری ئورفا لە باکووری کوردستان لە دایک بووە. دەرچووی پەیمانگەی تەکنیکە بەشی میکانیک. لە ساڵی ١٩٧٩ پەیوەندی بە ڕیزەکانی پارتی کرێکارانی کوردستان کردووە، لە ساڵی ١٩٨٠ تورکیا بە جێدەھێلێت و تاوەکو ساڵی ١٩٩٢ لە سووریا کاری ڕێکخستنی پارتەکەی بەڕێوەدەبات. لە ساڵی ١٩٩٢ دێتە شاخ و وەک فەرماندەیەکی کاریگەری گەریلا دەردەکەوێت. دوای دەستگیرکردنی عەبدوڵڵا ئۆجەلانی سەرۆکی پەکەکە بۆ ماوەی ساڵێک دەبێتە بەرپرسی ئەم پارتە لە ئەورووپا، دواتر جارێکی تر دەگەڕێتەو شاخەکانی کوردستان. دوای دامەزراندنی کۆنگرەی گەل لە ساڵی ٢٠٠٠ و دواتریش دامەزراندنی کەجەکە کۆما جڤاکێن کوردستان لەلایەن پەکەکەەو لە ساڵی ٢٠٠٣ بوو بە سەرۆکی کۆنسەی سەرۆکایەتی کۆما جڤاکێن کوردستان و پەکەکە و لە ١٠ی تەممووزی ٢٠١٣ لەم پۆستە یانی لە سەرۆکی کۆنسەی کەجەکە لاکەوت لە ئەنجامی ھەڵژاردنەکانی کۆنگرەی گەل کەلەجێگای ئەو جەمیل بایک و بەسێ ھۆزان کرانە ھاوسەرۆکی کەجەکە.
موراد قەرەیلان بە کەسی دووەمی پەکەکە ئەژمار دەکرێت لە دوای عەبدوڵڵا ئۆجەلانی سەرۆکی دەستگیرکراو و دامەزرێنەری پارتەکە، ئەو جیاواز لە سەرکردە بە کۆمۆنیست ناسراوەکانی دیکەی پەکەکە زیاتر وەک کەسێکی ئاراستە و بۆچوون نەتەوەیی دەناسرێت. لە پەیوەندی دروست کردنیشدا سەرکەوتووە وھەروەھا کەسێکی خۆشەویستیشە لە نێو گەریلادا بەھۆی بەشداری دیاری لە شەڕەکاندا.
ڕۆژنامەی ڕووداو، ژمارە ١٨٣، دووشەممە ١٧ی تشرینی یەکەمی ٢٠١١
![]() |
کۆمنزی ویکیمیدیا، میدیای پەیوەندیدار بە موراد قەرەیلان تێدایە. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.