From Wikipedia, the free encyclopedia
تیمۆ وێرنەر (لەدایکبووی ٦ی ئازاری ١٩٩٦)یاریزانێکی تۆپی پێی پیشەگەری ئەڵمانییە کە وەک ھێرشبەر یاری دەکات بۆ خولی نایابی ئینگلیزی پرێمیەرلیگ یانەی چێڵسی و ھەڵبژاردەی تۆپی پێی ئەڵمانیا.[1][2]
![]() | |||||||||||||||
ئەزموونی گەنجی | |||||||||||||||
---|---|---|---|---|---|---|---|---|---|---|---|---|---|---|---|
ستەین ھاڵدێنفیڵد | |||||||||||||||
٢٠٠٢–٢٠١٣ | شتوتگارد | ||||||||||||||
ئەزموونی پڕۆفیشناڵ* | |||||||||||||||
ساڵەکان | یانەکان | یاری† | (گۆڵ)† | ||||||||||||
٢٠١٣–٢٠١٦ | شتوتگارد | ٩٥ | (١٣) | ||||||||||||
٢٠١٤ | شتوتگارد | ١ | (١) | ||||||||||||
٢٠١٦–٢٠٢٠ | لایپزیگ | ١٢٧ | (٧٨) | ||||||||||||
٢٠٢٠- | چێڵسی | ٥٦ | (١٠) | ||||||||||||
هەڵبژاردەی نیشتمانی‡ | |||||||||||||||
٢٠١٠–٢٠١١ | ھەڵبژاردەی ئەڵمانیای لاوان خوار ١٥ ساڵ | ٤ | (٣) | ||||||||||||
٢٠١١–٢٠١٢ | ھەڵبژاردەی ئەڵمانیای لاوان خوار ١٦ ساڵ | ٥ | (٢) | ||||||||||||
٢٠١٢–٢٠١٣ | ھەڵبژاردەی ئەڵمانیای لاوان خوار ١٧ ساڵ | ١٨ | (١٦) | ||||||||||||
٢٠١٣–٢٠١٥ | ھەڵبژاردەی ئەڵمانیای لاوان خوار ١٩ ساڵ | ١٤ | (١٠) | ||||||||||||
٢٠١٥–٢٠١٦ | ھەڵبژاردەی ئەڵمانیای لاوان خوار ٢١ ساڵ | ٧ | (٣) | ||||||||||||
٢٠١٧- | ھەڵبژاردەی تۆپی پێی ئەڵمانیا | ٥٣ | (٢٤) | ||||||||||||
خەڵاتەکان
| |||||||||||||||
† یاری (گۆڵ). |
وێرنەر لە ساڵی ٢٠١٣ دەستی بە کاروانی پیشەیی کرد بە یاریکردن بۆ یانەی ڤی ئێف بی شتوتگارت، کە بوو بە لاوترین یاریزانی یانەکە و لاوترین گۆڵکاری یانەکە. لە ساڵی ٢٠١٦، لە تەمەنی ٢٠ ساڵیدا، بە ڕیکۆردی گواستنەوەی ئەوکاتەی یانەکە گوازرایەوە بە ١٠ ملیۆن یۆرۆ، کە تێیدا ڕیکۆردی وەک لاوترین یاریزان تۆمار کرد کە گەیشتووەتە ١٥٠ و ٢٠٠ یاری لە بۆندسلیگا. وێرنەر ھەروەھا وەک دووەم گۆڵکاری خولەکە لە وەرزی ٢٠١٩–٢٠ کۆتایی پێھێنا. دوای ئەوەی بوو بە گۆڵکاری مێژووی لایپزیگ، وێرنەر لە ساڵی ٢٠٢٠ چووە چێڵسی بۆ بڕی ٥٠ ملیۆن یۆرۆ، کە لە یەکەم وەرزیدا لە یانەکە پاڵەوانێتی خولی پاڵەوانەکانی ئەورووپا بەرزکردەوە.
وێرنەر یاریزانێکی نەتەوەیی ئەڵمانی بوو، گۆڵکارێکی سەرکەوتوو بوو لە ئاستەکانی لاواندا بۆ ئەڵمانیا، ٣٤ گۆڵی لە ٤٨ یاریدا تۆمارکرد لە ئاستی جیاواز لە تەمەنە جیاوازەکان. وێرنەر لە ساڵی ٢٠١٧ یەکەمین یاری خۆی بۆ پێکھاتەی یەکەم ئەنجامدا و یارمەتی ئەڵمانیا دا بۆ بردنەوەی جامی کیشوەرەکانی فیفا ٢٠١٧، پێڵاوی زێڕینی بردەوە وەک گۆڵکاری پاڵەوانێتییەکە. ئەو ھەروەھا نوێنەرایەتی ئەڵمانیای کرد لە جامی جیھانی فیفا ٢٠١٨ و یۆرۆی ٢٠٢٠.
وێرنەر لە شتوتگارت، بادن-ڤارتمبێرگ لەدایکبووە، کوڕی گەنسەر شۆوە کە یاریزانێکی تۆپی پێیە، و دایکی سابین وێرنەرە.[3][4]
وێرنەر یاری بۆ تی ئێس ڤی ستاینھێڵدنی کرد پێش ئەوەی بچێتە ئەکادیمیای ڤی ئێف بی ستوتگارت لە ساڵی ٢٠٠٢.[5] لە وەرزی ٢٠١٢–١٣، بەرزکرایەوە بۆ تیمی خوار ١٩ سەرەڕای ئەوەی لەو کاتەدا تەمەنی تەنھا ١٦ ساڵ بوو. ئەو وەرزەدا ٢٤ گۆڵی تۆمارکرد و خەڵات کرا بۆ ئەو ئاستە بەرزەی کاتێک مەدالیای زێڕینی خوار ١٧ ساڵی فریتز واڵتەری بردەوە لە ٢٠١٣.[4]
وێرنەر یەکەمین یاری خۆی ئەنجامدا لەو ساڵەدا لە قۆناغی پاڵاوتنەکانی خولی ئەورووپای وەرزی ٢٠١٣–١٤ بەرامبەر بۆتیڤ پلۆڤدیڤ.[4][6] دوای ئەنجامدانی ئەو یارییە، بوو بە لاوترین یاریزان کە لە یارییەکی فەرمی بۆ شتوتگارت یاری کردبێت لە تەمەنی ١٧ ساڵ، چوار مانگ و ٢٥ ڕۆژدا، ڕیکۆردەکەی شکاند کە پێشتر بەناوی گێرارد پۆشنەرەوە بوو.[4][7] لە ھەفتەکانی دواتردا بوو بە لاوترین یاریزانی شتوتگارد لە بۆندسلیگا و لە جامی ئەڵمانیا، و لاوترین گۆڵکار دوای ئەوەی یەکەم گۆڵی بۆ یانەکە تۆمارکرد بەرامبەر ئینتراخت فرانکفۆرت.[7] لە ١٠ی تشرینی دووەمدا ڕیکۆردێکی دیکەی شکاند کاتێک دوو گۆڵی تۆمارکرد لە بردنەوەی ٣–١ لە بەرامبەر فرایبۆرگ، بەم شێوەیە بوو بە لاوترین یاریزان لە مێژووی بۆندسلیگا کە دوو گۆڵ لە یەک یاری دا تۆمار بکات.[8]
لە ١٨ ساڵەی لەدایکبوونیدا وێرنەر گرێبەستێکی پیشەگەری واژوو کرد تاوەکو حوزەیرانی ٢٠١٨ لەگەڵ شتوتگارت. دواتر بەردەوام بوو وگۆڵی لە ٩٥ یاری خولدا تۆمار کرد، لەو ماوەیەدا بوو بە لاوترین یاریزان کە ٥٠ یاری بۆندسلیگا ئەنجام بدات لە مێژووی پاڵەوانێتییەکەدا.[4][9][10] تۆمارەکە دواتر لە ساڵی ٢٠١٨ لەلایەن کای حەڤەرتز شکێنرا.[11] شتوتگارت لە ئایاری ٢٠١٦ دابەزین بۆ خولی پلە دوو، ئەمەش وای لێکرد لە مانگی دواتردا بچێتە یانەی تازە سەرکەوتوو لایپزیگ.[12][13]
لە ١١ی حوزەیرانی ٢٠١٦، وێرنەر ڕازی بوو بە گرێبەستێک بۆ ماوەی چوار ساڵ لەگەڵ لایپزیگ بە تێچووی گواستنەوەی ١٠ ملیۆن یۆرۆ، کە زۆرترین بوو لە مێژووی یانەکە.[13][14] لە ٢٦ی ئەیلوولی ٢٠١٦، بوو بە لاوترین یاریزان کە لە ١٠٠ یاری بۆندسلیگا ئەنجام بدات کاتێک لە یارییەکدا دژی کۆڵن یاری کرد لە تەمەنی ٢٠ ساڵ و ٢٠٣ ڕۆژ.[15] بە ئەنجامدانی ئەم کارە، ئەو ڕیکۆردەی کە پێشتر لەلایەن جوولیان دڕاکسلەرەوە ھەبوو شکێنرا بە ٢٢ ڕۆژ، ھەرچەندە لە ساڵی ٢٠١٩دا لەلایەن ھاڤێرتزەوە دووبارە ڕیکۆردەکە نوێکرایەوە.[16][17] وێرنەر وەرزی ٢٠١٦–١٧ی لە بۆندسلیگا بە ٢١ گۆڵ کۆتایی بە یانەی پێ ھێنا، کە وای کرد ببێتە گۆڵکاری یەکەمی ئەڵمانی لە خولەکەدا و یارمەتی یانەی لایپزیگی دا بۆ یەکەم جار لە مێژووی یانەکە سەربکەوێت بۆ پاڵەوانێتی خولی پاڵەوانەکانی ئەورووپا.[18][19]
لە ئازاری ٢٠١٨، لە یارییەکدا بەرامبەر یانەی پێشووی خۆی، شتوتگارت، وێرنەر بوو بە لاوترین یاریزان کە بگات بە ١٥٠ یاری بۆندسلیگا، کە تۆمارەکەی پێشووی چارلی کۆربێل تێپەڕاند.[20] دواتر لەو مانگەدا یارمەتی لایپزیگی دا دا بۆ بردنەوە لە بایەرن میونشن بۆ یەکەم جار لە مێژوودا کاتێک گۆڵی بردنەوەی تۆمار کرد لە بردنەوەی ٢–١.[21] لە کۆتاییدا ١٣ گۆڵی تۆمارکرد و حەوت ئەسیستی کرد لە کۆی وەرزەکەدا.[22]
لە ٧ی تشرینی یەکەمی ٢٠١٨، وێرنەر دوو گۆڵی تۆمارکرد لە بردنەوەی ٦–٠ لە خولدا لە بەرامبەر نۆرنگبێرگ، یەکەم گۆڵیان بریتی بوو لە ٥٠مین گۆڵی بۆندسلیگا بۆ یاریزانە ئەڵمانییەکە. ھەروەھا ئەنجامەکە گەورەترین بردنەوەیلایپزیگ بوو لە پاڵەوانێتییەکەدا.[23] لە مانگی دواتردا، دوو گۆڵی تۆمارکرد لە بردنەوەی ٣–٠ لە خولدا بەرامبەر ھێرتا بەرلین و بەمەش بۆ دەیەم جار دوو گۆڵی تۆمار کردووە لە کاروانی وەرزشی خۆیدا.[24] لە ١٦ی کانوونی یەکەم گەیشتە ١٠ گۆڵی خول لە وەرزەکەدا دوای ئەوەی دوو گۆڵی بەرامبەر ماینز تۆمارکرد کە پێنجەم جار بوو دوو گۆڵ بکات لە ماوەی وەرزەکەدا. واتە ھەر کاتێک لە یارییەکدا گۆڵێکی تۆمارکردبێت، کردویەتی بە دوو.[25] لە ٢٧ی کانوونی دووەمی ٢٠١٩، ١٠٠ەمین یاری خۆی بۆ یانەی لایپزیگ ئەنجامدا کاتێک لە بردنەوەی ٤–٠ی خولدا لە سەرەتاوە بەشدار بوو بەرامبەر دۆسڵدۆرف.[26] ئەو بوو بە یەکەم یاریزان کە ٥٠ گۆڵی بۆندسلیگا تۆمار بکات بۆ یانەکە لە ٤ی ئایار کاتێک گۆڵێکی تۆمارکرد و ئەسیستێکی کرد لە یارییەکی ٣–٣ بەرامبەر بوون لەگەڵ ماینز.[27]
وێرنەر یەکەم ھاتتریکی خۆی لە بۆندسلیگا تۆمارکرد لە بردنەوەی ٣–١ لە دژی بۆروسیا میوندشنگلادباخ لە ٣٠ی ئابی ٢٠١٩. لە ٥ی تشرینی یەکەمدا. ١٠٠ەمین یاری خۆی بۆ یانەکە ئەنجامدا، کە بەرامبەر بوون ١–١ لەگەڵ بایەر لیڤەرکوزن.[28][29] لە سەرەتای مانگی دواتردا، ھاتتریکێکی دیکەی تۆمارکرد و سێ ئەسیستی کرد بۆ ئەوەی ڕێبەرایەتی لایپزیگ بکات بۆ بردنەوەی ٨–٠ بەرامبەر ماینز، کە گەورەترین بردنەوەیان بوو لە بۆندسلیگا.[30] لە ٢٣ی تشرینی دووەم، بوو بە لاوترین یاریزان کە بگاتە ٢٠٠ یاری بۆندسلیگا.[31]
لە کۆتا یاریی دا وەک یاریزانی لایپزیگ لە ٢٧ی حوزەیرانی ٢٠٢٠، وێرنەر ھەردوو گۆڵەکەی تۆمارکرد لە بردنەوەی ٢–١ لە دەرەوەی یاریگای خۆیان بەرامبەر ئۆگبۆرگ.[32] لەبەر ئەوە، بە ٩٥ گۆڵ کۆتایی بە ماوەکەی ھێنا لە لایپزیگ، بۆ ئەوەی ببێتە گۆڵکاری مێژووی یانەکە و ژمارەکەیدانیال فڕانی تێپەڕاند.[33][32]
لە ١٨ی حوزەیرانی ٢٠٢٠، وێرنەر ڕازی بوو گرێبەستی لەگەڵ یانەی چێڵسی ئینگلیزی و یانە پرێمییەرلیگ واژوو بکات، کە بە بڕی ٤٧٫٥ ملیۆن پاوەند گرێبەستەکەی کڕییەوە و لەگەڵ لایپزیگ ھەڵی وەشانەوە بۆ ماوەی ٥ ساڵ.[34] لە ١٤ی ئەیلوول یەکەمین یاری خۆی لەگەڵ یانەکە ئەنجامدا، لە بردنەوەی ٣–١ی لە دەرەوەی یاریگای خۆیان بەرامبەر برایتۆن و ھۆڤ ئەلبیۆن.[35] لە ٢٩ی ئەیلوول، وێرنەر یەکەم گۆڵی بۆ چێڵسی تۆمارکرد لە یارییەکدا کە ١–١ بەرامبەر بوون لەگەڵ تۆتنھام ھۆتسپێر، کە دواتر بە لێدانی یەکلاکەرەوە ٥–٤ دۆڕان لە قۆناغی چوارەمی جامی ئی ئێف ئێڵ.[36] لە ١٧ی تشرینی یەکەمدا، وێرنەر یەکەم گۆڵی خۆی لە پریمەرلیگ تۆمارکرد و لە یارییەکدا دوو گۆڵ و ئەسیستێکی کرد بۆ کای ھاڤێرتز کە چێڵسی بەرامبەر بوون لە یاریگای خۆیان لەگەڵ ساوسامپتۆن ٣–٣.[37] لە ٢٨ی تشرینی یەکەمدا، یەکەم گۆڵی خۆی لە خولی پاڵەوانەکانی ئەورووپا بۆ چێڵسی تۆمارکرد، کە بریتی بوو لە لێدانی سزا بەرامبەر یانەی ڕووسی کراسنۆدار.[38]
لە ١٥ی شوباتی ٢٠٢١، وێرنەر گۆڵێکی تۆمارکرد لە بردنەوەی ٢–٠ بەسەر نیوکاسڵ یونایتد لە پریمەرلیگ و کۆتایی بە ١٤ یاری بە بێ گۆڵ ھێنا لە خولدا.[39] لە ٥ی ئایاردا، یەکەم گۆڵی تۆمارکرد لە بردنەوەی ٢–٠ بەرامبەر ڕیاڵ مەدرید، بۆ یارمەتیدانی تیمەکەی بۆ بەدەستھێنانی جێگایەک بۆ یانەکە لە یاری کۆتایی خولی پاڵەوانەکانی ئەورووپا لە بەرامبەر مانچێستەر سیتی.[40] لە ٢٩ی ئایاردا، یەکەمین چامپیۆنس لیگی بەدەست ھێنا دوای ئەوەی چێڵسی لە مانچستەر سیتی بردەوە لە یاری کۆتایی لە پۆرتۆ.[41]
وێرنەر وەرزی ٢٠٢١–٢٢ لە یاری جامی سوپەری ئەورووپا لە ١١ی ئابی ٢٠٢١ دەستی بە وەرزەکەی کرد و بە شێوەی سەرەکی یاری کرد، دوای ئەوەی یارییەکە یەکسان بوو لە دوای کاتی زیادکراو، چێڵسی بە لێدانی یەکلاکەرەوە ٦–٥ بردییەوە.[42] یەکەم گۆڵی وەرزەکەی تۆمارکرد لە کاتی یاریکردن لە جامی کاراباو بەرامبەر ئەستۆن ڤێلا. کاتی ئاسایی یارییەکە ١–١ تەواو بوو دواتر چێڵسی بە لێدانی یەکلاکەرەوە ٤–٣ بردییەوە.[43] یەکەم گۆڵی وەرزەکەی لە پرێمییەرلیگ لە ٢ی تشرینی یەکەمدا بوو لە بردنەوەی ٣–١ بەرامبەر ساوسامپتۆن.[44] لە ٨ی کانوونی یەکەمی ٢٠٢١، وێرنەر خێراترین گۆڵی تۆمارکرد لە مێژووی خولی پاڵەوانەکان بۆ چێڵسی، دوای تەنھا ٨٢ چرکە بەرامبەر زێنیت. ھەروەھا گۆڵی دووەمی تۆمارکرد لە یارییەکدا کە بەرامبەر بوون ٣–٣ لە سانت پیتەرزبێرگ.[45]
وێرنەر نوێنەرایەتی ئەڵمانیای کرد لە ئاستە جیاوازەکانی لاواندا، بۆ تیپەکانی خوار ١٥ ساڵ، خوار ١٦، خوار ١٧، خوار ١٩ و خوار ٢١ یاری کردووە، ٣٤ گۆڵی تۆمارکرد لە ٤٨ یاری. لە ساڵی ٢٠١٠، لە یەکەمین یاریی دا بۆ ئەڵمانیا خوار ١٥ ساڵان لە یارییەکدا بەرامبەر پۆڵەندا، ھاتتریکێکی تۆمار کرد تۆمارکرد. دوای دوو ساڵ، بەشێک بوو لە تیمی ئەڵمانیا کە لە جامی نەتەوەکانی ئەورووپای خوار ١٧ ساڵانی٢٠١٢ پلەی دووەمی بەدەستھێنا.[10]
وێرنەر لە ساڵی ٢٠١٧ بانگھێشت کرا بۆ ھەڵبژاردەی تۆپی پێی ئەڵمانیا لەلایەن ڕاھێنەر خواکیم لۆڤ بۆ یاری دۆستانەی بەرامبەر ئینگلتەرا و یاری پاڵاوتنەکانی جامی جیھانی ٢٠١٨ بەرامبەر ئازەربایجان لە ٢٢ و ٢٦ی ئازاری ٢٠١٧.[46]
لە ١٧ی ئایاری ٢٠١٧، وێرنەر بانگھێشتکرا بۆ پێکھاتەی ئەڵمانیا بۆ جامی کیشوەرەکانی فیفا ٢٠١٧ کە لە ڕووسیا بەڕێوەچوو. ئەو وەک یەدەگی ساندرۆ ڤانگەر ھاتە یاریگا لە یاری یەکەمی تیپەکە بەرامبەر ئوسترالیا، پێش ئەوەی دوو گۆڵی یەکەمی نێودەوڵەتی خۆی تۆمار بکات کاتێک بە سەرەکی یاری کرد لە یاری کۆتایی کۆمەڵەکان کە ئەڵمانیا بەرامبەر کامیرۆن لە ٢٥ی حوزەیران ئەنجامیدا.[47][48] دوای چوار ڕۆژ، وێرنەر سێیەم گۆڵی ئەڵمانیای تۆمارکرد لە بردنەوەی ٤–١ی نیوەی کۆتایی بەرامبەر مەکسیک.[49] لە ٢ی تەممووزی ٢٠١٧، وێرنەر ئەسیستی کرد بۆ گۆڵەکەی لارس ستینڵ کە گۆڵی بردنەوە بوو لە یاری کۆتایی جامی کیشەورەکانی فیفا ٢٠١٧ بەرامبەر چیلی.[50] بە سێ گۆڵ و دوو ئەسیست، وێرنەر خەڵاتی پێڵاوی زێڕینی وەرگرت.[51]
لە ٤ی حوزەیرانی ٢٠١٨، وێرنەر بانگھێشت کرا بپ تیمی ٢٣ کەسی ئەڵمانیا بۆ جامی جیھانی فیفا ٢٠١٨.[52] یەکەم یاریکردنی لە جامی جیھانی لە ١٧ی حوزەیراندا ئەنجامدا، لە دۆڕاندنی ١–٠ بەرامبەر مەکسیک لە یاری یەکەمی ئەڵمانیا.[53][54] ئەو لە ھەردوو یاری قۆناغی کۆمەڵەکان کە مابوو یاری کرد بەڵام نەیتوانی گۆڵ تۆمار بکات و ئەڵمانیا لە قۆناغی یەکەمدا کرایە دەرەوە بۆ یەکەم جار لە ساڵی ١٩٣٨ەوە.[55]
لە ١٩ی ئایاری ٢٠٢١، بانگھێشت کرا بۆ تیمی یۆرۆی ٢٠٢٠.[56] لە ١٤ی حوزەیرانی ٢٠٢٢، دوو گۆڵی تۆمار کرد لە بردنەوەی ٥–٢ بەرامبەر ئیتاڵیا لە خولی نەتەوەکانی ئەورووپا ٢٠٢٢–٢٣، کە یەکەم جار بوو ئیتاڵا لانیکەم پێنج گۆڵی لێ بکرێت لەدوای دۆڕاندنی ٦–١ لەگەڵ یۆگۆسلاڤیا لە ١٢ی ئایاری ١٩٥٧.[57]
نازناوی "تۆربۆ تیمۆ"ی پێ دراوە، وێرنەر بە خێرایی و تێپەڕینەکەی ناسراوە.[58] ھێرشبەرێکی ڕاستەوخۆ، خۆ ماندووکەر و وزەدارە، لە سەرەتادا وەک یاریزانێکی باڵەکان یاری دەکرد لە تەمەنی لاوێتیدا، پێش ئەوەی بگۆڕدرێت بۆ ڕۆڵی ھێرشبەر یان ھێرشبەری ناوەند. یاریزانێکی زیرەک، لە میدیاکاندا ستایش کرا بۆ دڵسۆزی و خواستی خۆی بۆ ھەوڵدان بۆ وەرگرتنەوەی تۆپ یان بەردەوام ئاگادار بوون لە یاریزانانی ناوەندی. لەکاتێکدا ناسراو نییە بە توانای جەستەیی، لێدانی سەر، یان ھێشتنەوەی تۆپ، لەگەڵ ئەوەش گۆڵ تۆمارکەرێکی تەواوە، جووڵەی نایابی بە بێ تۆپ ھەیە، ھەروەھا لێدانی شوتی بەھێز لە ناو ناوچەی لێدانی سزا و دەرەوە بە قاچی ڕاست؛ بەگشتی زیاتر حەز دەکات لە لای چەپەوە بچێتە ناوەوە و بەپێی ڕاستی یاری بکات، ھەرچەندە ھەروەھا دەتوانێت لە لای ڕاستەوە بێتەوە ناوەوە و بە لێدانی چەپی شوت لێبدات.[59]
یانە | وەرز | لیگا | جامی نیشتیمانی | جامی لیگا | ئەورووپا | ئەوانی تر | کۆی گشتی | |||||||
---|---|---|---|---|---|---|---|---|---|---|---|---|---|---|
دابەشکردن | یارییەکان | گۆڵەکان | یارییەکان | گۆڵەکان | یارییەکان | گۆڵەکان | یارییەکان | گۆڵەکان | یارییەکان | گۆڵەکان | یارییەکان | گۆڵەکان | ||
ڤی ئێف بی ستۆتگارت | ٢٠١٣–١٤[60] | بۆندسلیگا | ٣٠ | ٤ | ٢ | ٠ | - | ٢ | ٠ | - | ٣٤ | ٤ | ||
٢٠١٤ ١٥[61] | بۆندسلیگا | ٣٢ | ٣ | ١ | ٠ | - | - | - | ٣٣ | ٣ | ||||
٢٠١٥–١٦[62] | بۆندسلیگا | ٣٣ | ٦ | ٣ | ١ | - | - | - | ٣٦ | ٧ | ||||
کۆی گشتی | ٩٥ | ١٣ | ٦ | ١ | - | ٢ | ٠ | - | ١٠٣ | ١٤ | ||||
ڤی ئێف بی ستۆتگارت دووەم | ٢٠١٣–١٤[60] | ٣. لیگا | ١ | ١ | - | - | - | - | ١ | ١ | ||||
لایپزیگ | ٢٠١٦–١٧[63] | بۆندسلیگا | ٣١ | ٢١ | ١ | ٠ | - | - | - | ٣٢ | ٢١ | |||
٢٠١٧ ١٨[64] | بۆندسلیگا | ٣٢ | ١٣ | ٢ | ١ | - | ١١ | ٧ | - | ٤٥ | ٢١ | |||
٢٠١٨ ١٩[65] | بۆندسلیگا | ٣٠ | ١٦ | ٤ | ٣ | - | ٣ | ٠ | - | ٣٧ | ١٩ | |||
٢٠١٩ ٢٠[66] | بۆندسلیگا | ٣٤ | ٢٨ | ٣ | ٢ | - | ٨ | ٤ | - | ٤٥ | ٣٤ | |||
کۆی گشتی | ١٢٧ | ٧٨ | ١٠ | ٦ | - | ٢٢ | ١١ | - | ١٥٩ | ٩٥ | ||||
چێڵسی | ٢٠٢٠–٢١ | پرێمییەر لیگ | ٣٥ | ٦ | ٤ | ١ | ١ | ١ | ١٢ | ٤ | - | ٥٢ | دوازدە | |
٢٠٢١–٢٢ | پرێمییەرلیگ | ٢١ | ٤ | ٥ | ٢ | ٤ | ١ | ٥ | ٤ | ٢ | ٠ | ٣٧ | ١١ | |
کۆی گشتی | ٥٦ | ١٠ | ٩ | ٣ | ٥ | ٢ | ١٧ | ٨ | ٢ | ٠ | ٨٩ | ٢٣ | ||
تەواوی کاروانی وەرزشی | ٢٧٩ | ١٠٢ | ٢٥ | ١٠ | ٥ | ٢ | ٤١ | ١٩ | ٢ | ٠ | ٣٥٢ | ١٣٣ |
تیمی نیشتیمانی | ساڵ | یارییەکان | ئامانجەکان |
---|---|---|---|
ئەڵمانیا | ٢٠١٧ | ١٠ | ٧ |
٢٠١٨ | ١٣ | ٢ | |
٢٠١٩ | ٦ | ٢ | |
٢٠٢٠ | ٦ | ٤ | |
٢٠٢١ | ١٢ | ٦ | |
٢٠٢٢ | ٦ | ٣ | |
کۆی گشتی | ٥٣ | ٢٤ |
لایپزیگ
چێڵسی
ئەڵمانیا
تاکەکەسی
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.