ڕێکخراوی یاریکورد

رێکخراوی یاری کورد

ڕێكخراوی یاری کورد

رێکخراوی یاری کورد رێکخراوێکی کوردیە پێکهاتووە لە خەباتکارانی کوردی یارسانی بە مەبەستی بەرگری لە مافە ڕەواکانی کۆمەڵگای یارسان و نەتەوەی بندەستی کورد.

رێکخراوی یاری کورد لە ساڵی ٢٠٠٨وە دەستی بە خەبات و تێکۆشان کردووە و لە ٣١ی ٧ی ساڵی ٢٠١٠ یەکەم کونگرەی خۆی بە سەرکەوتوویی کۆتایی پێ هێنا و وەک هێزێکی کوردستانی دەستی بە خەبات و تێکۆشان کرد بە مەبەستی گرێدانی ناوچەکانی خوڕەم ئاواو، ئیلام و کرماشان بە ناوچەکانی دیکەی کوردستان کە لە لایەن دەسەڵاتدارانی ئێرانەوە وەک کورد کەوتبوونە ژێر زوڵم و زۆرداری و لە لایەن کوردیشەوە بە هۆی ئایینی جیاواز و زاراوەی جیاواز پشت گوی خرابوون و ئیستاش دەولەتی ئیرانی هەر ئەو کارە دەکات بەلام بە خۆشێوە لە کۆمەلگای کوردی ئەو جیاوازیە ئیستا زۆر کەم بۆتەوە

رێکخراوی یاری کورد دوهەمین کونگرەی خۆی بە بەشداری هێز و لایەنە سیاسییەکانی کوردستان لە ٣١ی ٧. ٢٠١٦ بە سەرکەوتوویی کۆتایی پێ هێنا و دوای کونگرەی ٢ پێوەندی دۆستانەی لە گەڵ تێکڕای هێزە سیاسییەکانی چوار پارچەی کوردستان دروست کرد و هەتاکوو ئەورۆ ئەو پێوەندییە بەردەوامە.

یاری کورد بڕوای بە خەباتی نەتەوەیی هەیە و  دژی هەموو ئەو دەوڵەتانەیە وڵات و خاکی پیرۆزی کوردستانیان داگیر کردووە .

رێکخراوی یاری کورد ئەندامە لە کونگرەی نەتەوەیی کورد k.N.K کە تەنیا ساختارێکی سیاسی و نەتەوییە ئەورۆکە توانیویەتی زۆربەی هێز و لایەنە سیاسییەکانی کوردستان و کەسایەتییە دیار و نەتەوەییەکانی کوردستان لە دەوری یەک کۆ بکاتەوە .

یاری کورد لە ساڵی ٢٠١٩ لە گەڵ یەکێتی شۆڕشگێڕانی کوردستان هاوپەیمانی پێک هێنا و ئەو هاوپەیمانیە هەتاکوو ئەورۆ بەردەوامە و یەکێتی شۆڕشگێڕانی کوردستان و یاری کورد وەک یەک ڕێکخراوی سیاسی لە دو جەستەدا پێکەوە کار و خەبات دەکەن.

رێکخراوی یاری کورد بە مەبەستی پتەو کردنی خەباتی نەتەوەیی لە ساڵی ٢٠٢٢ لە گەڵ چوار لایەنی کوردستانی کە بڕوایان بە سەربەخۆیی کوردستان هەبوو  هاوپەیمانیکیان پێک هێنا لە ژێر ناوی هاوپەیمانی سەربەخۆیی خوازانی کوردستان کە زۆر بە داخەوە ئەو هاوپەیمانیە دوای ساڵێک لە بەریەک هەڵوەشایەوە  و نەیتوانی لەئەرکی پیرۆزی خۆی بەردەوام بێت.

ئەورۆ رێکخراوی یاری کورد و یەکێتی شۆڕشگێڕانی کوردستان شانبەشانی یەکتر  بە  باوەڕ بەخۆبوون لە پێناو مافە ڕەواکانی گەلی کوردستان تێدەکۆشن و وەک دو هێزی سیاسی کوردستانی لە مەیدانی خەباتدان.

ماڵپەڕی رێکخراوی یاری کورد لە ساڵی ٢٠١٠ بە دواوەی زمانحاڵی یاری کوردە و لە ساڵی ٢٠١٩وە بابەت و  بەڵاو کراوەکانی یەکێتی شۆڕشگێڕانی کوردستان و ڕێکخراوی یاری کورد بەڵاو دەکاتەوە.

سایتی ڕێکخراوی یاری کورد https://www.yarikurd.net/

کاناڵی تەلگرامی https://t.me/YARIKURD https://t.me/rukurdistan

تویتەر https://twitter.com/yarsan43