سەید عەلی ئەسغەر کوردستانی (یە سنەیی: سەی ئەسکەر) (١٨٨٢ لە سنە - ٤ی شوباتی ١٩٣٧ لە سنە) گۆرانیبێژ و مەقامبێژی مەزنی کوردی خەڵکی ڕۆژھەڵاتی کوردستانە. رەگەز و ڕیشەی بنەماڵەی سەید عەلی ئەسغەر کوردستانی دەچێتەوە سەر سەید عەلی ھەمەدانی، برای بابا تاھیری ھەمەدانی شاعیری گەورەو و ناسراو.[1]
عەلی ئەسغەر کوڕی سەید نیزامەدین کوڕی سەید جامی کوڕی سەید موحەممەد جەواد کوڕی سەید ئیبراھیم لە ساڵی ١٨٨٢ دا لە گوندی سەڵوات ئاوای نزیک شاری سنە ھاتووەتە دونیا. نازناوی کوردستانیش لە ناوی دا، مەبەست شار و پارێزگای سنەیە.[2]
لە تەمەنی نزیک ٢٠ ساڵی دا ژنی ھێناوە و ناوی ژنەکەشی ماھشەرەف خانم بووە.
لە ساڵی ١٩٠٥ یەکەم کوڕیان بەناوی عەبدولئەحەد لە دایک دەبێ و ئەم کوڕە تا ساڵی ١٩٨٤ ژیاوە. لە ساڵی ١٩١٦ کوڕی دووەمیان لە دایک دەبێ و ناوی دەنن مەسیح. سەید مەسیح ھەر لە مناڵیدا دەمرێت. سەید عەلی ئەشرەف ناوی کوڕی سێیەمی سەید عەلی ئەسغەرە کە تا ساڵی ١٩٩٢ ژیاوە.
ھەروەھا سەید عەلی ئەسغەر دوو کچی بە ناوی زەھرا (زارا) و شەرافەت بووە.
سەید عەلی ئەسغەر لە ٤ی شوباتی ساڵی ١٩٣٧ کۆچی دوایی کردووە و ھەر لە گۆڕستانی سەڵوات ئاوادا نێژراوە.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
