From Wikipedia, the free encyclopedia
تەکەر کارڵسن (بە ئینگلیزی: Tucker Swanson McNear Carlson)[1] لەدایکبووی ١٦ی ئایاری ١٩٦٩، شرۆڤەکار و نووسەر و کەسایەتییەکی تەلەفزیۆنی ئەمریکییە، لە ساڵی ٢٠١٦ تا ٢٠٢٣ میوانداری بەرنامەی گفتوگۆی سیاسی شەوانەی لە کەناڵی فۆکس نیوز دەکرد.
تەکەر کارڵسن | |||||
---|---|---|---|---|---|
![]() کارلسۆن لە ساڵی ٢٠٢٢ | |||||
لەدایکبوون | تەکەر کارڵسن ١٦/٥/١٩٦٩ سان فرانسیسکۆ، کالیفۆرنیا | ||||
پەروەردە | کۆلێژی ترینیتی | ||||
پیشە | ڕۆژنامەنووسی تەلەفزیۆنی، شرۆڤەکار، ستوونینووس، نووسەر | ||||
حیزبی سیاسی | پارتی کۆمارییەکان | ||||
بزاڤ | کۆنەپەرستی | ||||
ھاوسەر | لە ٨/١٠/١٩٩١ هاوسەرگیری لەگەڵ سیوزان ئاندروس کردووە | ||||
مناڵ(ەکان) | ٤ | ||||
باوان |
| ||||
| |||||
وێبگە | وێبگەی فەرمی |
کارڵسن لە ساڵانی نەوەدەکاندا دەستی بە کاری میدیایی کردووە، لە ساڵی ٢٠٠٠ تا ٢٠٠٥ شرۆڤەکاری کەناڵی سی ئێن ئێن بووە و لە ساڵی ٢٠٠١ تا ٢٠٠٥ هاوبەشی پێشکەشکاری بەرنامەی دیبەیتی هەواڵەکانی تۆڕەکە بووە لە کاتی سەرەکیدا.
لە ساڵی ٢٠٠٥ تا ٢٠٠٨ میوانداری بەرنامەی شەوانەی تاکەری کردووە لە کەناڵی MSNBC لە ساڵی ٢٠٠٩ بوو بە شرۆڤەکاری سیاسی بۆ فۆکس نیوز، لە بەرنامە جیاوازەکاندا دەرکەوت پێش ئەوەی بەرنامەی تایبەتی خۆی دەستپێبکات.
کارڵسن کە داکۆکیکاری سەرۆکی پێشووی ئەمریکا دۆناڵد ترەمپ بوو، لەلایەن کۆمپانیای پۆلیتیکۆوە بە لایەنگرترین لایەنگری ترەمپ وەسفکرا بەڵام ئامادەبوو ڕەخنە لە ترەمپ بگرێت کاتێک پێیوابوو سەرۆکی پێشوو لە ئایدۆلۆژیاکانی لادەدات.[2]
دەوترێت کاریگەری لەسەر هەندێک لە بڕیارەکانی ترەمپ وەک سەرۆک کۆمار هەبووە، لەوانە هەڵوەشاندنەوەی هێرشی سەربازی بۆ سەر ئێران لە ساڵی ٢٠١٩، دەرکردنی جۆن بۆڵتۆن، ڕاوێژکاری ئاسایشی نیشتمانی لە هەمان ساڵدا، هەروەها گۆڕینی سزای زیندانیکردنی ڕۆجەر ستۆن لە ساڵی ٢٠٢٠.[3][4][5][6][7] کارڵسن وەک دەنگێکی پێشەنگی سیاسەتی ناڕەزایەتی سپی پێستەکان وەسف کراوە.[8][9][10]
لە ٢٤ی نیسانی ٢٠٢٣، فۆکس نیوز کارڵسنی لە کارەکەی دوورخستەوە و بەرنامەکەی هەڵوەشاندەوە،[11][12] بەیاننامە گشتییەکەی فۆکس نیوز هۆکاری دورخستنەوەکەی نەخستەڕوو. تەکەر لە مانگی حوزەیرانی ٢٠٢٣ دەستی کرد بە بڵاوکردنەوەی بەرنامەیەک لە تویتەر بە ناوی تاکەر لە تویتەر.[13]
کارڵسن لە ١٦ی ئایاری ١٩٦٩ لە نەخۆشخانەی منداڵان لە شاری سانفرانسیسکۆ لە ویلایەتی کالیفۆرنیا لەدایکبووە،[14][15] کوڕە گەورەی هونەرمەند و خەڵکی سانفرانسیسکۆ لیسا مەکنیرە.[16]
تەکەر کارڵسن لە کەناڵی فۆکس نیوز
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.