Remove ads
ئۆڵۆمپیادی ھاوینەی ١٩٣٦ (بە ئەڵمانی: Olympische Sommerspiele 1936)، کە بە فەرمی بە یارییەکانی ئۆڵۆمپیادی یازدە ناسراوە ھەروەھا بە شێوەیەکی گشتی بە ئۆڵۆمپیادی بەرلین ١٩٣٦ یان ئۆڵۆمپیادی نازی ناسراوە، ڕووداوێکی فرە وەرزشی نێودەوڵەتی بوو کە لە ١ تا ١٦ی ئابی ١٩٣٦ لە بەرلینی ئەڵمانیا بەڕێوەچوو. بەرلین لە ٢٩ەمین دانیشتنی IOC لە ٢٦ی نیسانی ١٩٣١دا توانی سەرکەوتن بەدەست بھێنێت لە مافی میوانداریکردنی ئەم خولەی ئۆڵۆمپیادەکە.[١] ئەدۆلف ھیتلەر ڕێبەری نازی و سەرۆکی ئەو کاتەی ئەڵمانیا بڕیاریدا ئەم خولەی ئۆڵۆمپیاد باشتر لە خولەکانی دیکە بەڕێوەبچێت بۆ ئەو مەبەستە یاریگایەکی تایبەتی گۆڕەپان و مەیدانی دروست کرد کەجێگای ١٠٠ ھەزار کەس دەبووەوە، کە شەش ھۆڵی لەشجوانی تێدابوو.[٢] بۆیەکەم جار یارییەکان لە تەلەڤیزیۆن نیمایشکرا و پەخشی ڕادیۆی بۆ گواستنەوەی یارییەکان گەیشتە ٤١ وڵات.[٣] لەم خولەدا ٤٩ وڵات بەشداری ئۆڵۆمپیادی بەرلینیان کردووە، لەکاتێکدا لە ساڵی ١٩٣٢دا ٣٧ وڵات بەشدارییان کردووە، پێنج وڵات یەکەم جار بەشداری ئۆڵۆمپیادی فەرمی خۆیان لەم یارییانەدا کرد ئەوانیش ئەفغانستان، بەرمودا، بۆلیڤیا، کۆستاریکا و لیختنشتاین. ٣٩٦٣ (٣٦٣٢ پیاو، ٣٣١ ژن) وەرزشوان بەشداریان کرد. جێسی ئۆوێنزی ئەمریکی لە پێشبڕکێکانی ڕاکردنی خێرا و بازدانی درێژدا چوار میدالیای زێڕی بەدەستھێنا، بەمەش بووە یەکێک لە سەرکەوتووترین وەرزشوانە بەشداربووەکانی ئۆڵۆمپیاد،[٤] لەکاتێکدا ئەڵمانیا بە کۆکردنەوەی ٣٣ مەدالیای زێڕ پلەی یەکەمی بەدەست ھێنا، ئەمریکاش پلەی دووەمی بەدەستھێنا بەکۆکردنەوەی ٢٤ مەدالیای زێڕ. ئەمانە کۆتا یارییەکانی ئۆڵۆمپیاد بوو بە سەرۆکایەتی ھێنری دی بایل لاتور و و کۆتا ئۆڵۆمپیاد بوو پێش ئەوەی بۆ ماوەی ١٢ ساڵ بەھۆی جەنگی جیھانی دووەمەوە خولەکانی ئۆڵۆمپیاد ڕابگیرێت تا ساڵی ١٩٤٨.
| ئۆڵۆمپیادی ھاوینەی ١٩٣٦ | |
|---|---|
| بە لوکسەمبورگی: Spiller vun der XI. Olympiad | |
| وەرزی وەرزشەکانی خول یان پێشبڕکێ | یارییەکانی ئۆڵۆمپیادی ھاوینە |
| وڵات | German Reich |
| جێ | Berlin Olympic Stadium، بەرلین |
| پۆتانی شوێن | |
| لە پێش | ئۆڵۆمپیادی ھاوینەی ١٩٣٢ |
| لە دوای | ئۆڵۆمپیادی ھاوینەی ١٩٤٠ |
| ژمارەی چاپ | 11 |
| کاتی ڕوودان | ١ی کانوونی دووەمی ١٩٣٦ |
| ڕێکەوتی دەستپێکردن | ١ی ئابی ١٩٣٦ |
| ڕێکەوتی کۆتاییھاتن | ١٦ی ئابی ١٩٣٦ |
| Officially opened by | ئەدۆڵف ھیتلەر |
| Oath made by | Rudolf Ismayr |
| Torch lit by | Fritz Schilgen |
| بەشداربوو | Ralph Metcalfe، Arne Francke |
| وێبگە | https://olympics.com/en/olympic-games/berlin-1936 |
| بەستەری وەسفکراو | https://www.sports-reference.com/olympics/summer/1936/ |
 | |
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads