چەکوش
From Wikipedia, the free encyclopedia
چەکوش یان چەکوچ ئامرازێکە بەکاردێت بۆ گەیاندنی ھێزی شەکاندن بۆ شتەکان. چەکوش بەزۆری بەکاردێت بۆ داکوتینی بزمارەکان، بۆ ھاوتاکردنی بەشەکان، بۆ پێکھێنانی کانزاکان، یان شکاندنی شتەکان.[1] چەکوش زۆرجار بۆ مەبەستێکی دیاریکراو دیزاین دەکرێت، بۆیە لە شێوە و پێکھاتەدا جیاوازییان ھەیە.
چەکوش لە زۆربەی پیشەکاندا ئامرازێکی سەرەتایییە. پێکھێنەرە بنەڕەتییەکانی چەکوش بریتین لە دەسک و سەر،[2] کە بەزۆری کێشەکەی لە سەردا چڕکراوەتەوە. دیزاینی بنەڕەتیی چەکوش لەسەر بنەمای بەکارھێنانی دەستییە، بەڵام چەندین مۆدێل ھەن کە لەسەر بنەمای ئۆپراسیۆنی میکانیکی، وەک چەکوشەکانی ھەڵم، بۆ بەکارھێنانی قورس دروستکراون.[3]