![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c5/Doja_Cat_Planet_Her_Day_Party_2_%2528cropped%2529.jpg/640px-Doja_Cat_Planet_Her_Day_Party_2_%2528cropped%2529.jpg&w=640&q=50)
دۆجا کات
گۆرانیبێژ و ڕاپەرێکی ئەمریکی / From Wikipedia, the free encyclopedia
ئەمالا ڕاتنا زاندیلێ دلامینی (لەدایکبووی ٢١ی تشرینی یەکەمی ١٩٩٥)، ناسراو بە دۆجا کات، ڕاپەر، گۆرانیبێژ، و گۆرانینووسێکی ئەمریکییە. لەدایکبوو و گەورەبوو لە لۆس ئانجلەس، ئەو دەستی بە دروستکردن و بڵاوکردنەوەی مۆسیقا کرد لە ساوند کلاود کاتێک ھەرزەکار بوو. گۆرانیی «زۆر مەست» سەرنجی کیمۆسابی و ئاڕ سی ئەی ڕیکۆردزی ڕاکێشا، و دۆجا ڕێککەوتنامەیەکی تۆماری ھاوبەشی لەگەڵ واژوو کردن لە تەمەنی ١٧ ساڵیدا، دواتر یەکەم تۆماری درێژخایەنی بڵاوکردەوە لە ٢٠١٤ بە ناوی پررر!.
دۆجا کات | |
---|---|
![]() دۆجا کات لە تەممووزی ٢٠٢١ | |
زانیارییەکان | |
ناوی لەدایکبوون | ئەمالا ڕاتنا زاندیلێ دلامینی |
لەدایکبووی | (١٩٩٥-١٠-٢١) ٢١ی تشرینی یەکەمی ١٩٩٥ (تەمەن ٢٨ ساڵ) لۆس ئانجلەس، کالیفۆرنیا، ویلایەتە یەکگرتووەکانی ئەمریکا |
چەشنەکان | |
پیشە(کان) |
|
ساڵانی چالاکبوون | ٢٠١٢–ئێستا |
کۆمپانیاکان |
|
بابەتە پەیوەندیدارەکان | {{flatlist
|
وێبگە | dojacat |
دوای دابڕانێک لە مۆسیقای بازرگانی و بڵاوبوونەوە ئاسایییەکەی یەکەم ئەلبوومی ستۆدیۆی، ئەمالا (٢٠١٨), دۆجا کات سەرکەوتنێکی گەورەی بەدەستھێنا وەک میمێکی ئینتەرنێت بە تاکە گۆرانیی ٢٠١٨ی «مووو!»، گۆرانییەک کە تێیدا دۆجا خەیاڵی بوون بە مانگا دەکات. دووەم ئەلبوومی ستۆدیۆی، پەمەییی تۆخ (٢٠١٩)، گەیشتە ١٠ باشترینی بیڵبۆرد ٢٠٠ی ویلایەتە یەکگرتووەکانی ئەمریکا و بووە ھۆی دروستبوونی تاگە گۆرانیی «سەی سۆ»، کە سەرکەوتوو بوو لە خشتەی بیڵبۆرد ھۆت ١٠٠ دوای بڵاوبوونەوەی ڕیمیکسێک کە نیکی میناجی تێدا بوو. دوای ئەم ئەلبوومە، ئەلبوومی ھەسارەی ئەو (٢٠٢١) بڵاوبوویەوە، کە سێ ھەفتە دوا بەدوای یەک لە پلەی دووەمدا مایەوە بیڵبۆرد ٢٠٠ و بووە ھۆی دروستکردنی ٢٠ باشترین تاکە گۆرانییەکانی «زیاتر ماچم بکە» (لەگەڵ سیزا)، «پێویستە بزانم» و «تۆ ڕاستیت» (لەگەڵ دە ویکند).
دۆجا کات بە دروستکردنی میوزک ڤیدیۆ و گۆرانی ناسراوە کە ناوبانگ پەیدا دەکەن لە تۆڕە کۆمەڵایەتییەکانی وەک تیک تۆک و یووتیووب. خۆیشی لە ئینتەرنێتدا شارەزایە، و بە کەسایەتییە گاڵتەئامێزەکەی بەناوبانگە.[5][6][7][8] ئەو چەندەھا خەڵاتی وەرگرتووە بەدرێژاییی پیشەکەی، کە پێکدێن لە خەڵاتێکی مۆسیقای بیڵبۆرد، دوو خەڵاتی مۆسیقای ئەمریکی و سێ خەڵاتی مۆسیقای ئێم تی ڤی ڤیدیۆ، و سێ پاڵاوتن بۆ خەڵاتی گرامی.