From Wikipedia, the free encyclopedia
دارکونکەرە یان دارەسمە (Picidae) تیرەیەکی پەلەوەرە کە زیاتر لە ٢٠٠ جۆری مەل دەگرێتەوە. ژینگەی دارکونکەرە زۆر بەربڵاوە و لە ئاسیا و ئەورووپا و ئەمریکا لە ھەرکوێ دارستانی لێ بێت ھێلانەی تێدا چاک دەکەن. وەک لەناوەکەیانەوە دیارە زۆربەی دارکونکەرەکان بە دەنووک کون دەکەنە دار و ھێلانەکانیان بە درەختەوە چاک دەکەن. ئەم باڵندانە دەنووکێکی بەقەوەت و تیژیان ھەیە بۆ کونکردنی دار.[1]
جۆرەکانی دارکونکەرەکان بە تەواوی دنیادا بڵاوەیان کردووە و جگە لە ئوسترالیا و ئانتارکتیکا لە زۆربەی شوێنی تردا دەژین. زۆربەی دارکونکەرەکان لەیەک جێ دەژین و سەفەر ناکەن، بەڵام چەند جۆرێکیشیان ناسراون بەوەی کە ھاتوچۆ دەکەن و بە زستاندا بەرەو شوێنی گەرم دەفڕن.[2]
دارکونکەرەکان بەزۆری مێروو و ھێلکەی مێرووەکان دەخۆن بەتایبەت ئەوانەی بەسەر دارەوەن. لێکۆڵینەوەکان دەری خستووە ئەو دارانەی دارکونکەرە ھێلانەیان پێوە دەکات مێروویان کەمترە و ساخترن.[2] بۆیە دارکونکەرە ڕۆڵێکی گرنگی ھەیە لە پاراستنی سڵامەتیی دارەکاندا.
زیاتر لە ٢٠٠ جۆری دارکونکەرە ناسراوە. ئینساکلۆپیدیای کەنەدایی ژمارەی جۆرەکانی دارکونکەرەی بە ٢١٦ داناوە،[3] بەڵام ژمارەی لەمە زیاتریش لەبەردەستە.
دارکونکەرە و جۆرەکانی ناوی زۆریان ھەیە کە بڕێکیان لە کتێبی فەرھەنگی باڵندەدا تۆمار کراون. بڕێک لەم ناوانە بریتین لە دارتورکنەک، خەنجەردەەم، دارکلۆرە، دارتەقێنە، دارسم، دارکەوە، دارکوتە و ملگێڕە.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.