ترۆجانی ئاسمانی لە فەلەکناسیدا، ترۆجان تەنێکی بچووکی ئاسمانییە (زۆربەی گەڕەستێرۆچکەکان) کە هاوبەشی خولگەی تەنێکی گەورەترە، لە خولگەیەکی جێگیردا دەمێنێتەوە کە نزیکەی ٦٠ پلە لە پێش یان لە پشتی تەنی سەرەکییەوەیە لە نزیک یەکێک لە خاڵە لاگرانجییەکانی L4 و L5ن، ترۆجانەکان دەتوانن لەگەڵ خولگەی هەسارەکان یان مانگە گەورەکان هاوبەشی بکەن و تێکەڵ ببن.[1] [2]
لە کۆمەڵەی خۆردا شەش هەسارە هەن کە گەڕەستێرۆچکەی ترۆجانیان هەیە کە بریتین لە موشتەری، نەپتون، مەریخ، زوحەل، ئۆرانۆس و زەوی، حیساباتی جوڵەی خولگەیی ئاماژە بەوە دەکات کە ڕەنگە زوحەل و ئۆرانۆس گەڕەستێرۆچکەی سەرەتایی ترۆجانیان نەبێت.[3] [4]
ناو
| ترۆجانی موشتەری | کەمەربەندی ئەستێرەیی | گەرەستێرۆچکەکانی هیڵدا |
زاراوەی "ترۆجان" لە سەرەتادا ئاماژەیە بۆ "ئەستێرەی ترۆجان" (ترۆجانی موشتەری)، ئەو گەرەستێرۆچکانەی کە لە نزیک خاڵەکانی لاگرانجی موشتەریدا دەسوڕێنەوە. ئەم ناوە زۆر لەمەوبەر بە ناوی کارەکتەرەکانی جەنگی ترۆجان لە ئەفسانەی یۆنانیدا ناونراوە. بەپێی ڕێکەوتننامە، ئەو گەڕەستێرۆچکانەی کە بە دەوری L4ی موشتەریدا دەسوڕێنەوە، ناوی ئەو کەسایەتیانەیان لێنراوە کە لە لایەنی یۆنانیەکان و جەنگەکانیانەوە هاتوون، لەکاتێکدا ئەوانەی لە نزیک L5 دەسوڕێنەوە لە لایەنی ترۆجانەوەن. جگە لە دوو تەن نەبێت کە پێش ڕێککەوتن لەسەریان ناویان لێنراوە، ئەوانیش ٦١٧ پاترۆکلۆس کە بە ناوێکی یۆنانی و ٦٢٤ هیکتۆر لە ژێر ناوێکی ترۆجانی، هەردووکیشیان لە لایەنی هەڵەدان.[5]
سەرچاوە
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
