![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5f/Cercis_siliquastrum_MHNT.jpg/640px-Cercis_siliquastrum_MHNT.jpg&w=640&q=50)
ئەرخەوان
From Wikipedia, the free encyclopedia
ئەرخەوان (ناوی زانستی: Cercis siliquastrum) دارێکە کە ناوەکەی لە ڕەنگی گوڵەکەیەوە وەرگیراوە. درەختێکە لە کۆمەڵەی پاقلەمەنییەکان (Fabaceae) بۆ مەبەستی ڕازاندنەوە دەڕوێنرێت، درەختێکی لق و پۆپ بڵاوە نزیکەی ٦ – ١٠ مەتر بەرز دەبێتەوە. لە درەختەکانی جوانکارییە و دەڕوێنرێت لەبەر جوانی گوڵەکان و بەشی سەوزی، کە دەتوانێ لەسەر شەقام و ناو باخچەکان بڕوێنرێت، ھەروەھا درەختێکی گەڵا وەریوە، لق و گەڵاکان ساف و بێ موون، توێکڵی لقەکەی خۆڵەمێشییەکی تۆخە، لقە ناسکەکانی ڕەنگ ئەرخەوانی و بریسکە دارن، گەڵاکانی شێوەی گورچیلەیییە Kidney - reniform، گوڵەکەی لەسەر لقی ساڵی پێشوو دەبێت وە بەر لە گەڵاکەی دەردەکەوێت، ڕەنگەکەی مێخەکی مەیلەو سوورە، لە قەدپاڵی چیاکان و شیو و دۆڵەکاندا دەڕوێت لە بەرزایی ٩٠٠ مەتردا، لە نێوان مانگی مارت (٣) و مایس (٤) گوڵ دەکات وە لەنێوان مایس (٤) و تەممووز (٧) بەر دەگرێت وە ھەتا کۆتایی ساڵ بە درەختەکەوە دەمێنێتەوە کە تۆوەکانی لەناو بەرگێک دایە درێژییەکەی ٨ – ١٠ سم بە شێوەیەکی زۆر تایبەتمەند، تۆوەکەی خڕ و قوپاوە بەڕەنگێکی قاوەیی.
ئەرخەوان | |
---|---|
![]() | |
کورتەناو | C. siliquastrum |
ناوی پۆلێنکردن | Cercis siliquastrum |
پلەی پۆلێنکردن | جۆر |
پۆلێنکردنی باوان | Cercis |
ناوی باوی پۆلێنکردن | Judas-tree، zmarlika Jidášova، Erguvan، 南欧紫荆، árbol (de) l'amor |
IUCN conservation status | Least Concern |
بەستەری GRIN | https://npgsweb.ars-grin.gov/gringlobal/taxonomydetail.aspx?id=9945 |
![Thumb image](http://upload.wikimedia.org/wikipedia/commons/thumb/4/4d/PikiWiki_Israel_3421_Geography_of_Israel.jpg/640px-PikiWiki_Israel_3421_Geography_of_Israel.jpg)
![Thumb image](http://upload.wikimedia.org/wikipedia/commons/thumb/2/2a/Cercis_siliquastrum_MHNT.BOT.2007.40.59.jpg/640px-Cercis_siliquastrum_MHNT.BOT.2007.40.59.jpg)