Брусилов, Алексей Алексеевич
From Wikipedia, the free encyclopedia
From Wikipedia, the free encyclopedia
Бруси́лов Алексе́й Алексе́евич (1853 шеран 19 [31] август, Тиблиси — 17 март 1926, Москох) — оьрсийн а, советийн а тӀеман хьаькам а, тӀеман хьехархо а, кавалери инарла (1912 шеран 6 декабрехь дуьйна), инарла-адъютант (1915 шеран 10 апрелехь дуьйна). Оьрсийн эскаран Лакхара коьртабаьчча (1917 шеран 22 май — 19 июль), БАЦӀЭ дошлойн коьрта инспектор (1923).
| Брусилов Алексей Алексеевич | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Инарла Брусилов Алексей 1917 шарахь | ||||||||||||||||||||||||||
| Вина терахь | 1853 шеран 19 (31) август | |||||||||||||||||||||||||
| Вина меттиг |
Тиблиси, Российн импери |
|||||||||||||||||||||||||
| Кхелхина терахь | 1926 шеран 17 март (72 шо) | |||||||||||||||||||||||||
| Кхелхина меттиг: | Москох, ССРС | |||||||||||||||||||||||||
| Пачхьалкх |
 Российн импери  РСФСР  ССРС |
|||||||||||||||||||||||||
| Эскаран тайпа | Императоран российн эскар, Рабоче-крестьянская Красная армия | |||||||||||||||||||||||||
| Дарж |
дошлойн инарла, инарла-адъютант |
|||||||||||||||||||||||||
| БӀахойн дакъа | Дошлой | |||||||||||||||||||||||||
| Куьйгалхо |
8-гӀа эскар (1914 шо 28 июль — 1916 шо 17 март) Къилба-Малхбузен фронт (1916 шо 17 март — 1917 шо 22 май) Оьрсийн эскаран Лакхара Коьртабаьчча (1917 шеран 22 май — 19 июль) |
|||||||||||||||||||||||||
| ТӀемаш |
1877—1878 шерашкара Оьрсийн-туркойн тӀом:
Дуьненан хьалхара тӀом:
|
|||||||||||||||||||||||||
| СовгӀаташ |
|
|||||||||||||||||||||||||
| Уьйраш |
ваша Брусилов Л. А. вешин кӀант Брусилов Г. Л. |
|||||||||||||||||||||||||
| Куьг | Brusilov's signature.jpeg | |||||||||||||||||||||||||
БрусиловгӀеран схьабовлар элех ду. Вина Тиблисехь оьрсийн инарлин Брусилов Алексей Николаевичан (1787—1859) доьзалехь. Нана — Мария-Луиза Антоновна, полякех йара, схьайалар дара коллежски асессоран А. Нестоемскийн доьзалера.
1867 шеран 27 июнехь (9 июлехь) дӀахӀоьттира Пажески корпусе. Иза чекхйаьккхира 1872 шеран 17 (29) июлехь, арахийцира 15-гӀа драгунийн Тверан полке. 1873—1878 шерашкахь — полкан адъютант. Кавказера 1877—1878 шерашкара Оьрсийн-туркойн тӀеман декъахо. Билгалавелира туркойн Ардаганан а, Карс а гӀопаш йохуш, иза бахьнехь йелира 3-гӀа а, 2-гӀа а тӀегӀанан Сийлахь Станиславан орден а, 3-гӀа тӀегӀанан Сийлахь Аннин орден а. 1879—1881 шерашкахь вара эскадронан баьчча, полкан дешаран командин хьаькам.
1881 шарахь кхечира эскаран гӀуллакх дӀадахьархьама Петарбухе. 1883 шарахь чекхйаьккхира эскадронийн а, бӀаьннийн а баьччин декъан Ӏилманийн курс «тӀехдика» мах хадорца. 1883 шарахь дуьйна гӀуллакхехь вара Дошлойн эпсарийн ишколехь: адъютант; 1890 шарахь — говрахь леларан а, говр тӀехаа Ӏаморан а декъан хьаькаман гӀоьнча; 1891 шарахь дуьйна — эскадронийн а, бӀаьннийн а баьччин декъан хьаькам; 1893 шарахь дуьйна — драгунийн декъан хьаькам. 1898 шеран 10 ноябрехь — ишколан хьаькаман гӀоьнча, 1902 шеран 10 февралехь дуьйна — ишколан хьаькам. Брусилов гӀараваьлла хилла ца Ӏара Россехь бен, дозанал арахьа а вевзара говр хахкаран а, спортан а говзанча санна. Оьрсийн-японин тӀом болалуш ишколехь цуьнан куьйга кӀела гӀуллакхехь хилла К. Маннергейма дагалоьцу[1]:
Иза чӀогӀа тидаме, къовламе, куьйгакӀеларчарна лехаме куьйгалхо, чӀогӀа дика Ӏилма лора. Цуьнан тӀемех ловзар а, меттигера Ӏамораш а шен кечамца а, кхочушдарца а масала хӀоттош а дара, чӀогӀа хаза а дара.
Боккха тидам бохуьйтура Парфорсан талларан Поставски ишколехь говрахь леларан практикин.
Сийлахь элан Николай Николаевичан дашца 1906 шеран 19 апрелехь хӀоттийра 2-гӀа гвардин дошлойн дивизин хьаькам. 1909 шеран 5 январехь — 14-гӀа эскаран корпусан баьчча. 1912 шеран 15 майхь дуьйна — Варшавин тӀеман гуон эскаран баьччин гӀоьнча. 1913 шеран 15 августехь дуьйна — 12-гӀа эскаран корпусан баьчча.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
