Iĕng-dài-săng (Hók-ciŭ)
From Wikipedia, the free encyclopedia
Iĕng-dài-săng (煙臺山), bô hô̤ lā̤ Dèng-săng (藤山), Chŏng-sèng-săng (倉前山) gâe̤ng Tiĕng-nìng-săng (天寧山), ôi-dé găk Dṳ̆ng-guók Hók-gióng-sēng Hók-ciŭ-chê Chŏng-săng-kṳ̆ Nàng-dài-dō̤ báe̤k-sié, diŏh Mìng-gĕ̤ng nàng gĕ̤ng-bĭng, hāi-bĕk dâi-kái ô 41.6 mī.[1]
Iĕng-dài-săng gô-dā̤ hô̤ lā̤ Dèng-săng, ĭng-ôi Nguòng-dièu muăk-nièng gì sèng-âu Hók-ciŭ-hū găk săng gà̤-dēng siék hŭng-huōi-dài (烽火臺), gó-chṳ̄ hô̤ lā̤ Iĕng-dài-săng.
Chĭng-dièu muăk-nièng Ă-piéng Ciéng-cĕng (鴉片戰爭) ī-hâiu, Hók-ciŭ ké̤ṳk có̤ tŭng-siŏng kāu-ngiâng (通商口岸), iā sâ̤ guók-gă găk Iĕng-dài-săng gà̤-dēng siék liāng-sê̤ṳ-guāng, gó kī gáu-dòng, bâing hŏk-hâu, kŭi ĭ-iêng dēng-dēng. Gó-chṳ̄, Iĕng-dài-săng gà̤-dēng ô iā sâ̤ lĭk-sṳ̄ gióng-dé̤ṳk.
1964 nièng, Iĕng-dài-săng Gŭng-huòng găk Iĕng-dài-săng gà̤-dēng gióng siàng, kăi-huóng gâe̤ng dâi-gă-nè̤ng káh-dièu.
2021 nièng, Iĕng-dài-săng ciáng-sék piĕ ùi Dṳ̆ng-guók Guók-gă AAA Lṳ̄-iù Gīng-kṳ̆.[2]