Diêu Ciē-iòng

Diêu Ciē-iòng (趙紫陽, 1919 nièng 10 nguŏk 17 hô̤ – 2005 nièng 1 nguŏk 17 hô̤), nguòng-miàng Diêu Siŭ-ngiĕk (趙修業), Dṳ̆ng-huà Ìng-mìng Gê̤ṳng-huò-guók céng-dê ìng-ŭk. Báik-cèng sê Dṳ̆ng-huà Ìng-mìng Gê̤ṳng-huò-guók Guók-ô-iêng Cūng-lī (1980 - 1987 nièng) gâe̤ng Dṳ̆ng-gê̤ṳng Dṳ̆ng-iŏng Cūng-cṳ̆-gé (1987 - 1989 nièng). Cáuk-ùi Dṳ̆ng-guók gŏ̤-gék liāng-dô̤-ìng, ĭ kăi-diēng chê-diòng gāi-gáik, huák-diēng sĕng-sāng-lĭk, gâe̤ng Dṳ̆ng-gê̤ṳng tā̤-cié diē-sié gì Guăng-lièu ciō-ngiê, hū-bâi có̤ dáu-cĕng. Diêu Ciē-iòng diŏh Lĕ̤k-sé Ông-dông sèng-âu, ĭ gì lĭk-diòng sê dùng-cìng hŏk-sĕng, ciĕ-tì mìng-ciō gāi-gáik, gó-chṳ̄ dáik cô̤i ké̤ṳk gáik-tó̤i chók Dṳ̆ng-gê̤ṳng. Ĭ sĕng-miâng có̤i âu gì 15 nièng dŭ ké̤ṳk niōng-géng diŏh ĭ Báe̤k-gĭng gì chió lā̤.

Diêu Ciē-iòng
guăng-uòng
sèng siŏh êng: Huà Guók-hŭng	Dṳ̆ng-huà Ìng-mìng Gê̤ṳng-huò-guók cūng-lī 1980 nièng - 1987 nièng	â siŏh êng: Lī Bèng
céng-dōng cék-ô
sèng siŏh êng: Hù Iêu-băng	Dṳ̆ng-guók Gê̤ṳng-sāng-dōng Dṳ̆ng-iŏng Ūi-nguòng-huôi cūng-cṳ̆-gé 1987 nièng - 1989 nièng	â siŏh êng: Gŏng Dĕk-mìng

Diêu Ciē-iòng
Mū-ngṳ̄-miàng	赵紫阳
Chók-sié	1919 nièng 10 nguŏk 17 hô̤  滑縣
Buōng-miàng	趙修業
Guó-sié	2005 nièng 1 nguŏk 17 hô̤  (85 huói) Báe̤k-gĭng
Guó-sié nguòng-ĭng	中風
guók-cĭk	Dṳ̆ng-huà Mìng-guók, Dṳ̆ng-huà Ìng-mìng Gê̤ṳng-huò-guók
â̤ gōng	Háng-ngṳ̄
Cék-ngiĕk	céng-dê-gă
Céng-dōng	Dṳ̆ng-guók Gê̤ṳng-sāng-dōng
Lâu-mā	梁伯琪
Giāng	趙二軍, 王雁南