El Nuevo Año es el tiempo o dia que ta marca con el comienzo de un nuevo natural año y ta incrementa por uno el recuento de maga año. Ta celebra manada cultura con el evento de algun modo. Na el gregoriano calendario, el mas ampliamente usao sistema de calendario hoy dia, ta ocurri el Nuevo Año el 1 de enero (Dia de Nuevo Año, precedio por Nochevieja). Ademas fue este el primer dia del año na el original juliano calendario y el romano calendario (despues de 153 AEC).
Ta observa otro maga cultura con el de ellos tradicional o religioso Dia del Nuevo Año segun el de ellos maga propio costumbre, tipicamente (pero hinde invariablemente) por el uso de un lunar calendario o un lunisolar calendario. Entre otro maga bien conocio ejemplo ta queda el chino Nuevo Año, el musulman Nuevo Año y Puthandu (el tamil Nuevo Año). Tambien celebra el Nuevo Año India, Nepal y otro maga pais segun el de ellos propio maga calendario movible na el gregoriano calendario.
Durante el Media Edad na el Occidental Europa, mientras usao pa el juliano calendario, ta move el maga autoridad con el Dia del Nuevo Año, segun el regional configuracion, a uno de manada otro dia, incluio el 1 de marzo, el 25 de marzo, el Pascua, el 1 de septiembre y el 25 de diciembre (Navidad). Desde entonces, ya cambia manada nacional civico calendario, na el Occidente y mas alla, a un fijao fecha para el Dia del Nuevo Año, el 1 de enero, el mayoria al adopta con el gregoriano calendario.
Cristiano liturgico año
Ta coincidi el temprano desarrollo del cristiano liturgico año con el Romano Imperio (de Oriente y Occidente) y mas tarde el Bizantino Imperio, ta utiliza ambo del cual con un sistema de impuesto comunmente etiquetao como el Indiccion, ya comenza cuyo maga año na el 1 de septiembre. Puede explica este tiempo con el establecimiento del 1 de septiembre como inicio del liturgico año por parte del antiguo Iglesia, a pesar del oficial romano Dia del Nuevo Año del 1 de enero na el juliano calendario, ya que fue el Indiccion el principal modo de conta con el maga año na el maga imperio, aparte del maga reinado del maga Emperador. Ya prevalece el fecha del 1 de septiembre por todo el cristiandad durante manada siglo, hasta que, con el tiempo, ya produci el maga posterior division con maga revision na cuanto lugar.
Tras el saqueo de Roma (410), ya deteriora el maga comunicacion y el maga viaje entre Oriente y Occidente. Hinde firmi ya coincidi el maga liturgico desarrollo na Roma y Constantinopla, masquen nunca ya exigi el Iglesia con una rigido adhesion a forma. Sin embargo, ya perdura el maga principal punto de desarrollo entre Oriente y Occidente. Ya queda compatible el maga liturgico calendario de Roma y Constantinopla hasta despues del Cisma de Oriente y Occidente de 1054. Solo a lo largo de manada siglo ya aumenta maga separacion entre el catclico general romano calendario y el ortodoxo liturgico calendario. Durante el maga intermedio siglo, ya move el latin Iglesia con el catolico eclesiastico año al primer dia del Adviento, el domingo mas cercano del dia de San Andrés, el 30 de noviembre. Na el momento del protestante Reforma (maga principio del aca-16 siglo), ya provee el romano catolico general calendario con el inicial base del maga calendario para el maga protestante orientao al liturgia, incluio el maga anglicano y luterano Iglesia, que ya hereda con este observancia del liturgico Nuevo Año.[cita requerida]
El actual ortodoxo liturgico calendario es el virtual culminacion del antiguo ciclo de oriental desarrollo, masquen ta inclui con maga posterior adicion basao na el posterior historia y el maga vida de maga santo. Ta comenza pa na el 1 de septiembre, continuando anualmente na el Natividad de Theotokos (el 8 de septiembre) y el Exaltacion del Santo Cruz (el 14 de septiembre) al celebracion del Natividad de Cristo (Navidad), a traves del de suyo muerte y resurreccion (Pascua), al de suyo Ascension y el Dormicion de Theotokos (el "dormida" del Virgen María, el 15 de agosto). Conocio este ultimo fiesta na el Iglesia romano catolico como el Asuncion. El datacion del "1 de septiembre" es segun el "nuevo" (revisao) juliano calendario o el "viejo" (estandar) juliano calendario, dependiendo de cual ta utiliza algun Ortodoxo Iglesia. Ansina puede ocurri na el 1 de septiembre na el civico calendario, o el 14 de septiembre (entre 1900 y 2099 inclusivo).
Con este maga sistema hinde relacionao el maga liturgico calendario del maga copto ortodoxo Iglesia y el ortodoxo Iglesia de Etiopia, sino que ta segui ellos con el alejandrino calendario que ya fija con el errante egipcio calendario al juliano año. Sin embargo, fijao el de ellos maga celebracion del Nuevo Año, Nayrouz y Enkutatash respectivamente, a un punto na el sotiaco ciclo cerca del Indiccion: entre el maga año 1900 y 2100, ta ocurri na el 11 de septiembre na el mayoria del maga año y el 12 de septiembre na el maga año precediendo a un bisiesto año.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
