We'll Meet Again (kanaouenn)

We'll Meet Again (Kejañ a raimp an eil ouzh egile en-dro e brezhoneg) zo ur ganaouenn saoznek savet an ton hag ar gerioù anezhi gant Hughie Charles ha Ross Parker.

Vera Lynn o kanañ en 1941 en ul labouradeg pourvezioù armoù.

Enrollet e voe gant ar ganerez saoz Vera Lynn e miz Gwengolo 1939. Unan eus brudetañ kanaouennoù mare an Eil brezel-bed e voe dre ma kase he fozioù ("We'll meet again, Don't know where/N'ouzon dare pelec'h, don't know when/n'ouzon dare pegoulz, But I know we'll meet again, some sunny day./Met goût a ouzon ec'h en em gavfomp adarre, d'un deiz heoliek bennak.") an tamm goanag o devoa ezhomm da gaout ar soudarded vreizhveuriat a oa o stourm hag o familhoù chomet er gêr.

Deuet e oa da vezañ titl ur gomedienn war gan — We'll Meet Again (1943) —, ma oa bet roet ar roll pennañ anezhi da Vera Lynn.

Ar sonenn-mañ eo a glever e dibenn ar film Dr. Strangelove, sevenet gant Stanley Kubrick e 1964, ha dic'hortoz a-walc'h eo dre ma echu an istor gant tarzhadenn ur vombezenn nukleel.

Kanerien

Gant meur a arzour all ec'h eo bet kanet We'll Meet Again : Peggy Lee, Julie Andrews, Johnny Cash, Sandy Coast, John Lee Hooker, The Byrds, The Chordettes, The Ink Spots, The Turtles, Frank Sinatra, ha re all.

Yezhoù

Lakaet eo bet ar ganaouenn e brezhoneg ivez, hag anvet Ken e vi gwelet, el levrig Parkadoù Sivi Da Viken.^{(Daveoù a vank)}

Liammoù diavaez

• Komzoù orin ar ganaouenn, bet enrollet war an albom Forces Sweetheart 49
• Sonet gant laz André Rieu, ha dañset.

Kanerien

• Gant Vera Lynn :
  • We'll Meet Again,
  • Dibenn Dr. Strangelove
• Gant Peggy Lee, harpet gant laz Benny Goodman
• Gant Hailey Westenra
• Gant The Ink Spots
• gant Johnny Cash.