Pierre-Yves Moign
From Wikipedia, the free encyclopedia
From Wikipedia, the free encyclopedia
Pierre-Yves Moign, bet ganet e Brest d'ar 5 a viz Gwengolo 1927 hag aet da Anaon er memes kêr d'an 18 a viz Meurzh 2013, a oa ur sonaozour breizhat hag ur c'helenner war ar sonerezh.
Studiañ a reas e Skol-sonerezh Uhel Vroadel ("Conservatoire national supérieur de Musique" e galleg) Pariz. Ar c'hentañ priz piano ha kendonouriezh en doe e 1952.
E oberenn gentañ bet sonet ez-foran a voe sonerezh kentañ abadenn ar mimer Marcel Marceau e 1948.
Dedennet e oa gant ar sonerezhioù hengounel. Kenkrouer meur a strollad sonerezh eo bet : Son ha koroll e 1955 (teir fladenn e ti Barclay, un dro en Olympia), Kabalerien (meur a bladenn e ti ''Chant du Monde'' adalek 1961). Meur a droiad sonadegoù a reas ganto en Europa, abadanneoù skingomz ha skinwel ivez, betek 1972.
Adalek 1963 e studias pedagogiezh ar sonerezh ha dreist-holl an doareoù bev.
E dibenn ar bloavezhioù 1960 e krouas al laz-kanañ Hentou Breiz evit re yaouank. E 1978 e krouas Kreizenn Vreizhat an Arzoù Pobl ("Centre breton d'art populaire" e galleg) e Brest. Ren a reas anezhi betek 1999. Aozañ a reas abadennoù ha sonadegoù evel "Emgavioù Arzoù hengounel ha kevredigezh kempred" ha "Kroazhent ar broioù keltiek" ha kenstrivadegoù sonerezh e-leizh.
E keit-se e kendalc'has gant e labour sonaozañ. Skrivañ a reas evit kalzik lazioù-kanañ ha lazioù-seniñ. Kalz pezhioù a skrivas evit an delenn geltiek hag evit kelenn sonerezh. Da skouer, e Plougerne, e savas en un nebeud sizhunvezhioù "Dasson Breizh", ur rapsodienn evit laz-kerdin, haroe ha piano a voe sonet evit ar wech kentañ e miz Kerzu 1973 gant orkestr skol-sonerezh Brest.
Kemeret en deus perzh en orkestradur oberennoù Didier Squiban (ar sinfonienn Bretagne e 2000 hag ar sinfonienn Iroise e 2004).
Resevet en deus Kolier an Erminig e 2004.
Div abadenn produet gant France 3 :
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.