Keriadoù

Keriadoù zo ur gumun a-wechall eus Breizh e departamant ar Mor-Bihan, bet krouet e 1901 diwar ul lodenn eus kumun Plañvour ha bet staget ouzh kumun An Oriant e 1947.

• 
  Straed Belgia.
• 
  Leur-gêr ar Frankiz.
• 
  An ti-kêr hag ar skol a-wechall.

Keriadoù

neighborhood

Anv ofisiel	Keryado
Stad	Frañs
E tiriad	Mor-Bihan
Gwerzhid-eur	UTC+01:00, UTC+02:00
Daveennoù douaroniel	47°45′43″N 3°23′20″W
Post dalc'het gant penn ar gouarnamant	maer Keriadoù
Deiziad divodadur	1 Gen 1947

Douaroniezh

Istor

XX^vet kantved

• Krouet e voe ar gumun d'an 18 a viz Ebrel 1901 diwar ul lodenn eus kumun Plañvour; staget e voe ouzh kumun An Oriant d'an 30 a viz Gwengolo 1947^[1].

Brezel-bed kentañ

• Mervel a reas 162 waz eus ar gumun a varvas evit Bro-C'hall, eleze 3,02 % ag ar boblañs hervez an niveradeg bet graet e 1911; 30 a servije er morlu, 95 en droadegiezh ha 37 er ganolierezh^[2].
• Fuzuilhet e voe ur milour breizhat bet ganet er gumun gant al lu gall d'ar 14 a viz C'hwevrer 1916.

Eil Brezel-bed

• Jean Le Maux, maer ar gumun, a voe dilezet a-berzh-gwir d'ar 27 a viz Kerzu 1940 gant Renad Vichy^[3].
• Mervel a reas triwec'h milour bet ganet er gumun er brezel^[4]; tri anezhe a gemeras perzh er Rezistañs, unan a voe fuzuilhet e dibenn miz Gouhere 1944 gant an Alamaned e Kerfani e Molan^[5],[6], an daou all a voe kaset d'ar c'hampoù-bac'h e Mauthausen^[7] hag e Ravensbrück^[8] lec'h ma varvjont e 1945. 45 gwaz eus ar gumun a varvas dre m'o doa kemeret perzh er brezel, tri anezhe er c'hampoù-bac'h lec'h ma oant bet kaset evit abegoù politikel, 16 eus ar morlu ha 26 eus an tirlu^[2].
• Bombezet e voe Keriadoù gant Aerluioù ar Rouantelezh-Unanet ha SUA.
• D'ar 7 a viz Eost 1944 e teuas un nebeud tankoù SUAat betek kroaz-hent ar Perroquet Vert, en antre ar gumun, a-raok kilañ betek Pont-Skorf^[9].
• Chom a reas Keriadoù e Sankenn an Oriant e dalc'h an Alamaned betek an 10 a viz Mae 1945.

Monumantoù ha traoù heverk

• 
  Monumant ar re varv e bered Keriadoù.
• 
  An iliz katolik.

• Monumant ar re varv.
• Iliz katolik Santez Tereza, 1931.

Emdroadur ar boblañs 1901-1946

Niver a annezidi

^[10].

Melestradurezh

• 
  Ar maerdi.

Roll maered ar gumun
Mare		Anv	Strollad	Karg
Even 1901	Even 1910	Pierre Le Breton
Even 1910	Kerzu 1916	Jean Stéphant/Stéphan
Kerzu 1916	Even 1923	Jean-Marie Toulliou
Even 1923	Genver 1927	Pierre Philippe
Meurzh 1927	Mae 1935	Jean Hémon	Radikal
Mae 1935	Kerzu 1940	Jean Le Maux	SFIO
Kerzu 1940	Meurzh 1941	Jean Bréchard	bet anvet gant Renad Vichy
Ebrel 1941	Mae 1942	Léon Jacques	bet anvet gant Renad Vichy
Mae 1942	Mae 1945	François Even	bet anvet gant Renad Vichy
Mae 1945	Ebrel 1946	Jean Le Maux	SFIO
Ebrel 1946	Mae 1946	Louis Lancelot
Mae 1946	Gwenholon 1947	Jean Penquer
N'eo ket anavezet c'hoazh an holl fedoù.

Post

• 
  An ti-post a-vremañ.

• D'ar 16 a viz Gwenholon 1908 e voe krouet un implij paotr-al-lizhiri-resevour^[11].

Tud

Tud bet ganet er gumun

• Eugène Albaud (21 a viz Eost 1880), bet fuzuilhet d'ar 14 a viz C'hwevrer 1916 gant al Lu gall e-pad ar Brezel-bed kentañ^[12].

Pennadoù kar

• An Oriant,
• Plañvour.

Liammoù diavaez

Dave ha notennoù

1. (fr)Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 14
2. (fr)Monumant ar re varv, e bered ar gumun
3. (fr)Annik Le Guen, Le Morbihan sous le Gouvernement de Vichy, Miz Kerzu 1993
4. (fr)Mémoire des Hommes
5. (fr)"Le Télégramme", Kerfany-les-Pins. Hommage aux 21 résistants fusillés
6. (fr)Mémoire des Hommes
7. (fr)Mémoire des Hommes
8. (fr)Mémoire des Hommes
9. (fr)Jean Le Berd, Lorient sous l'occupation, Embannadurioù Ouest-France, Roazhon, 1986, p. 109
10. (fr)Cassini-EHESS
11. (fr)Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 154
12. (fr)Ouest-France, d'al Lun 4 a viz Du 2013, pajennoù "An Oriant"