Kêr

Ur gêr^[1] a zo ul lec'h annezet stank, ennañ etre un nebeud kantadoù a dud ha miliadoù pe kantmiliadoù, pe milionoù anezho. Stumm un tolpad-savadurioù he deus ur gêr. Evit ar c'hêrioù bras-tre e vez implijet ar ger-se pe ivez keoded pa ne reer ket gant metropolenn pe gant tolpad-kêrioù, ma 'z eus meur a gêr enno.

Ur gêr da noz en Israel gant ur straed ledan ha skraberioù-oabl.

Ur pennad Ker zo ivez.

kêr

classification of human settlements

Iskevrennad eus	kêr pe kêriadenn, urban settlement
Renk dres dindan	bourc'h
Studiet gant	urban studies, urban history
Douaroniezh an danvez	urban geography
Istor	history of cities
Model item	Perm, Tokyo, Londrez, Mumbai, Buenos Aires
Entry in abbreviations table	г., ш., қ., с.
EntitySchema for this class	Entity schema not supported yet (E100)
ID en Thesaurus NCI	C25160
Category for eponymous categories	Category:Wikipedia categories named after cities, Category:Categories by city

Implij

E brezhoneg, pa vez kaoz eus an tolpadoù savadurioù e Breizh, e komzer eus ur gêriadenn evit envel an tolpadoù savadurioù bihanoc'h eget ar re a weler er c'hêrioù, met un diforc'h a vez graet etre ar vourc'h (brezhoneg kozh : gwik), ur seurt kêriadenn gant an iliz-parrez enni hag ar gêr a zo dezhi un iliz-parrez pe ouzhpenn. Ar ger kevatal da vourc'h e vez klevet e galleg e meur a lec'h e Bro-C'hall, met ur ster all a zo e galleg evit ar c'hêrioù o doa gounezet gwirioù dre forzh goulenn ouzh o aotrouien er Grennamzer. Sellet ouzh Bourg-en-Bresse. Ne zepant ket an diforc'hioù etre ar poblañsoù pa vez kavet bourc'hioù o deus muioc'h a annezidi eget kêrioù bihan zo.

Roll armerzhel ha sokial

Ur straed e Reading (Berkshire), e Bro-Saoz.

Perzhioù pennañ ar c'herioù a zo ar perzhioù armerzhel pa vez kavet enno nebeut a dud o c'hounid an douar. Er c'hêrioù e kaver stalioù-kenwerzh e-leizh, stalioù servijoù ha stalioù greantel a bourvez labour d'an annezidi ha da du o chom tro-war-dro.
Pa chañch an oberezhioù armerzhel e c'hell mont war wel pe greskiñ pe digreskiñ ar c'hêrioù. Koulskoude, lod anezho a zo bet krouet a-gozh eus an Henamzer pellañ (keodedoù Mezopotamia), an Henamzer gresian pe roman (ar c'heodedoù gresian ha Roma gant o trevadennoù niverus), ar Grennamzer (Pondi, da skouer) ha ivez an amzerioù modern ha kempred (an Oriant, kêrioù nevez Enez-Frañs). E Amerika koulz hag en Afrika, an trevadennerezh en deus lakaet miliadoù a gêrioù nevez da vezañ savet dindan tri c'hantved.

Gerioù gant kêr enno

• kêraouzouriezh
• kêriadenn
• kêr-benn
• kêr-gloz
• kêriad
• tolpad-kêrioù
• tolead kêr

Pennadoù nes

• bourc'h
• dezougerezh-kêr
• karter
• keoded
• kêr nevez
• metropolenn
• straed
• stankted al lojeiz

Notennoù ha daveoù

1. Evel ar c'hembraeg caer hag ar c'herneveureg ker e teu ar ger brezhonek kêr eus ar predeneg *kagro- (Geiriadur Prifysgol Cymru, vol. 1, p. 384), hag eus ur wrizienn geltiek *qag-ro pe qag-ra (hervez Joseph Loth, adkemeret gant Léon Fleuriot en e c'heriadur eus ar spisc'herioù henvrezhonek, 1964, p.93).