Joseph Le Bihan ( pe Jo Le Bihan pe Jozeb ar Bihan), ganet e Lokarn e miz Meurzh 1930, a zo un den barrek war an ekonomiezh. Kensavet eo bet Ensavadur Lokarn gantañ.
Deskiñ galleg a reas d'e seizh vloaz pa yeas d'ar skol.
Goude e vachelouriezh e studias e Roazhon hag e Pariz (Ensavadur ar Studioù Politikel (ESP) ha Skol Pleustrek ar Studioù Uhel). Labourat a reas en Ensavadur Broadel Klaskerezh Agronomek (EBKA).
E 1965 e krouas al labourva a imbourc'hioù war an dazont e Massy (Essonne). Ren a reas anezhañ betek 1973. En abeg d'e varregezh e voe karget eus meur a gefridi en estrenvro evit aozadurioù etrebroadel.
Dont a reas da vezañ kelenner en HEC (École des Hautes Etudes Commerciales) e 1973. Rener a imbourc'hioù e Skol-veur Pariz IX Dauphine eo bet ivez.
Distreiñ a reas da Lokarn war e leve. A-gevret gant Yann-Bêr ar Roc'h, en devoa krouet Ensavadur Lokarn evit bodañ tud a gemer perzh er vuhez ekonomikel ha reiñ tro dezhe da studiañ ha prederiañ.
Resevet en deus Kolier an Erminig e 2011.
- Dictionnaire biographique du mouvement breton XX-XXIe siècles gant Lionel Henry, Yoran embanner, 2013.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
