Jerry Rawlings (ganet Jeremiah Rawlings John d'an 22 a viz Even 1947 en Accra ha marvet d'an 12 a viz Du 2020 er memes kêr) a oa ur politikour bet prezidant Ghana.
![](http://upload.wikimedia.org/wikipedia/commons/thumb/4/40/Jerry_Rawlings_2.jpg/640px-Jerry_Rawlings_2.jpg)
Kemer a reas ar galloud gant un taol-Stad d'ar 4 a viz Even 1979 hag un nebeud devezhioù goude e voe fuzuilhet ofiserien ha tri den hag a oa bet e penn ar Stad : Akwasi Afrifa, Acheampong ha Fred Akuffo. Goude-se e voe aozet un dilennadeg ha laosket ar garg a brezidant da Hilla Limann d'ar 24 a viz Gwengolo 1979.
D'an 31 a viz Kerzu 1981 e tistroadas Limann ha lakaat e plas ur Provisional National Defense Council (PNDC - Kuzul Difenn Broadel da C'hortoz) gant siviled ha soudarded. Chom a reas e penn ar Stad betek ma voe aozet un dilennadeg e 1992. Rawlings a lakaas e anv evit an NDC (National Democratic Congress). Ar maout a yeas gant Rawlings gant 58.3 % eus ar mouezhioù en un dilennadeg kavet reizh gant an arsellerien estren daoust da glemmoù e eneberien bolitikel. Addilennet e voe e 1996. Dre ne oa ket aotreet gant ar Vonreizh da lakaat e anv un trede gwech e laoskas e blas da John Kufuor, gounezet gantañ dilennadeg 2000, d'ar 7 a viz Genver 2001.
Mervel a reas d'an 12 a viz Du 2020 en ospital skol-veur Korle-Bu. Embann a reas ar prezidant Nana Akufo-Addo seizh deiz a gañv broadel en e enor. Goulenn a reas familh Rawlings digant gouarnamant ar vro an aotre da zouarañ anezhañ e Keta, e rannvro Volta.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.