An eteokiprenezeg zo ur yezh a veze komzet e Kiprenez e-pad Oavezh an arem. Ne oa ket ur yezh indezeuropean ha kar e oa d'an eteolemneg]] ha d'an etruskeg moarvat. Dazlennet eo bet un darn eus an testennoù skrivet er yezh-se gant ar silabenneg kiprenezat. Adalek an Xvet kantved kent J.K. e kevezas an henc'hresianeg gantañ hag ez eas da get er pevare kantved kent J.K.
| Hengipreg (*dianav) | |
|---|---|
| Perzhioù | |
| Komzet e : | yezh varv |
| Rannved : | Kiprenez |
| Komzet gant : | yezh varv |
| Renkadur : | yezh varv |
| Familh-yezh : | Digenvez |
| Statud ofisiel | |
| Yezh ofisiel e : | - |
| Akademiezh : | - |
| Kodoù ar yezh | |
| ISO 639-1 | - |
| ISO 639-2 | |
| ISO 639-3 | |
| Kod SIL | |
| Sellit ivez ouzh ar pennad Yezh. | |
An anv eteokiprenezeg a dalvez kiprenezeg "gwirion" pe "kiprenezeg orin". Gallout a reer tostaat anezhañ da anv an Eteokreteg. Implijet eo bet an daou anv-se evit komz eus ar yezhoù kentgresianek a veze safaret e Kiprenez hag e Kreta[1].
Skrivet e veze an eteokiprenezeg gant ar silabenneg kiprenezat, ur skritur silabennek deveret diouzh al Linenneg A moarvat (dre al Linenneg C).
Dianav eo ar yezh-se war-bouez ur c'heriaoueg vihan testeniaekaet en enskrivadurioù divyezhek. Krafoù evel an ereadurezh, an troadurioù pe displegadenn ar verboù a chom ur c'hevrin. Depantout a ra an esaeoù troidigezhioù eus ar yezh pe eus ar strollad yezhoù implijet gant an droerien evel diazez d'o labour met ne zeuont ket da bennvat. Yezhoniourien zo a laka e oa kar d'an etruskeg ha d'al lemneg, ha lod all a soñj ez eo ur yezh semitek. Ar re na duont ket gant an eil kostezenn pe eben a ra anv eus ur yezh dianav komzet kent an henc'hresianeg. Abalamour d'an niver bihan a destennoù zo bet dizoloet ez eus kalz martezeadennoù n'int ket prouet betek-henn.
An enskrivadur Eteokiprenezek brudetañ zo un destenn zivyezhek engravet war un dar marmor du kavet war akropolis kêr Amathus war-dro 1913. Bloaziadet eo eus 600 kent J.K. ha skrivet eo e rannyezh atenat an henc'hresianeg hag en eteokiprenezeg diouzh an tu all. An destenn eteokiprenezek skrivet en arouezennoù kiprenezat zo skrivet eus an tu dehou betek an tu kleiz ; an destenn henc'hresianek skrivet e pennlizherennoù gresian, eus an tu kleiz betek an tu dehou.
- A-NA MA-TO-RI U-MI-E-SA-I MU-KU-LA-I LA-SA-NA
- A-RI-SI-TO-NO-SE A-RA-TO-WA-NA-KA-A-RA-TO-WA-NA-KA-SO-KO-O-SE KE-RA KE-RE-TU-LO-SE
- TA KA-NA KU-NO SO-TI A-LO KA-I-LI PO-TI
Ster an enskrivadur n'eo ket sklaer. Seblout a ra ez eo un dedi graet gant ar geoded Amathus d'un den anvet Ariston Aristonaks.
An destenn c'hresianeg
An destenn c'hresiang a zo :
'Η πολις 'η Αμαθουσιων Αριστωνα Αριστωνακτος, ευπατριδην.
Ar pezh a dalvez :
Ar geoded ag Amathus d'Ariston Aristonaks, un denjentil
- *ail, diskenn (ail-o diskennet)
- aisona, divin, eus an doueed. Etruskeg <aisuna> divin
- ana, 3de raganv-gour rener (an-oti 'en e'). Etruskeg <an> he, eñ
- Ariston, Ariston anv gwaz gresianek.
- Artowanax, Aristonaks anv gwaz troet e gresianeg.
- eki, amañ. Etruskeg <cei>
- *kail, douar, bro (kail-i 'e-barzh an douar'). Etruskeg <cel-i> e-barzh an douar.
- *kan, reiñ (kan-a, kan-io 'donezon', kun-o 'roet'). Etruskeg <cen-u>, roet.
- Lasana, Tirrenian. Etruskeg <Raśna> Tirrenian.
- *Mukula, [rannvro] (Mukula-i 'e Mukula')
- *man, (man-a 'lies'). Etruskeg <mene>
- *mun, bro, tachenn douar, bered (mun-oti e-barzh an douar). Etruskeg <muni>, <munθ>
- oite, mamm. Etruskeg <ati> mamm
- poti, penn-bras
- *sot, bez (soti 'd'ar bez'). Etruskeg <suθ> bez
- ta, an dra-se (tan 'an dra-se', tan-oti 'e-barzh an dra-se'). Etruskeg <ta>
- *taraw, reiñ (taraw-i 'bezañ roet', taraw-o roet). Etruskeg <tur-u> roet
- tu, amañ. Etruskeg <θui> amañ
- *um, dediañ (um-iesa-i dediet). Lemneg <aumai> dediet
- Gordon, Cyrus (1966). Evidence for the Minoan Language. Ventnor, New Jersey: Ventnor Publishers.
- Gordon, Cyrus (1982). Forgotten Scripts: Their Ongoing Discovery and Decipherment: Revised and Enlarged Edition. New York: Basic Books, Inc. ISBN 0-465-02484-X.
- Jones Tom B., Notes on the Eteocypriot inscriptions, American journal of philology. -LXXI-1950.- C.401 - 407
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
