From Wikipedia, the free encyclopedia
E 1688 e voe disklêriet ar brezel gant Loeiz XIV, kevreet gant an Impalaeriezh otoman, a-enep ur c'hengevredad etre Bro-Saoz hag an Izelvroioù lesanvet Kevre Augsburg.
E 1694 e klaskas ar c'hevredad-se distrujañ ar morlu gall, goudoret e morlenn Brest, ha dilestrañ ur strollad soudarded e Breizh. Emgann Kameled a reer eus an darvoud-se .
E deroù 1694 e tivizas Loeiz XIV lakaat e strivoù war ar Mor Kreizdouar ha Bro-Spagn. Mont a reas Tourville kuit diouzh Brest d'ar 24 a viz Ebrel gant e 71 lestr, evit sikour ar Marichal de Noailles en argad a-enep Barcelona hag evit rediañ Bro-Spagn da sinañ ar peoc'h. E heuliañ a reas Chateaurenault d'ar 7 a viz Mae gant e skouadrenn.
Kelaouet eus ar fiñvoù-se, ar Saozon hag an Izelvroiz a glaskas lakaat o c'hrabanoù war Brest. Evit aozañ an difenn, Vauban a voe anvet da gomandant milourel Brest gant Loeiz XIV.
Abaoe 1658 en doa kroget Vauban da sevel difennoù a-hed an aodoù atlantel. Kroget e oa al labour war tour Kameled e 1689.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.