Diaouled ar Menez eo ar strollad sonerezh en deus roet lañs da c’hiz ar strolladoù fest-noz.
Savet eo bet ar strollad e dibenn 1971 gant Yann-Erwan ar C’horr, Bruno ar Manac’h ha Fulup ar Balp e Karaez, gant an anv Avel ar C’hwitell da gentañ. Tommet e oant ouzh sonerezh ar vro war-lerc’h berzh Alan Stivell.
Yann Goasdoue a gemero perzh ganto buan a-walc’h e 1972, ha kemer a reont neuze an anv Diaouled ar Menez, anv kavet gant Youenn Gwernig.
Diazezet eo o sonerezh, leun a startijenn, war donioù dañs Breizh-Izel dreist-holl.
Menegomp eo brezhoneg hepken a weler war golo o fladennoù, pezh a zo ral er metoù-se.
Pennañ sonerien bet ar strollad :
- Yann Goasdoue, bombard, taboulin
- Yann-Erwan ar C’horr, akordeoñs
- Bruno ar Manac’h, gitar, mandolinenn
- Mikael Sohier, bombard
- Tangi an Dore, gitar boud
- Melaine Favennec, violoñs
- Fulup ar Strad, binioù
- En Dro - Ton Doubl (45 tro), 1972, embannet gant Arfolk
- Diaouled ar Menez (33 zro), 1973, embannet gant Arfolk SB 318
- Atav ez eomp (33 zro), SB 364
- Merc’h an Diaoul, BUR 817
Tonioù gant Diaouled ar Menez a gaver ivez war Beilhadeg e Menez-Kamp ha Kertalg 1973.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
