livour galleg From Wikipedia, the free encyclopedia
Benjamin "Ben" Vautier a oa un arzour ar gweled gall ha suis, bet ganet d'an 18 a viz Gouere 1935 e Napoli ha marvet d'ar 5 a viz Even 2024 e Nisa. Mab-kuñv d'al livour suis Benjamin Vautier (1829–1898) e oa.
Brudet e voe kerkent ha dibenn ar bloavezhioù 1960, a-drugarez d'e « skriturioù » peurgetket, displeget e doareoù a bep seurt. Un arzour goudemodern anezhañ, emezelañ el luskad Fluxus a reas goude endevout kejet ouzh an arzour George Maciunas e Londrez e miz Here 1962.
Difenn a rae ar minolorezhioù en holl vroioù, a-du e oa gant Okitania dieub ha Tibet dieub, da skouer.
Displeget eo e oberennoù en ur bern mirdioù ha dastumadoù dre ar bed, en o zouez e Museum of Modern Art (MOMA) New York ha Centre Georges Pompidou Pariz. Savet e voe un diskouezadeg vras anezhañ e 2022 gant Museo Universitario Arte Contemporáneo (MUAC) Mec'hiko.