Anv-gwan-verb

An anv-gwan-verb zo ur furm eus ar verb hag a servij pe evel anv-gwan pe da ober amzerioù kevrennek ar verboù.

E brezhoneg

Savet eo diwar bennrann ar verb, ha staget -et ouzh e lost. Digemm eo an anv-gwan-verb: n'eus niver na reizh ebet dezhañ.

Servij a ra

• evel un anv-gwan : ma Doue benniget!
• evel eil rann an amzerioù kevrennek : Benniget em eus da anv
• gant ar verb bezañ d'ober an tu-gouzañv
  • Debret eo koan.

Er yezhoù latin

E latin

« Ave Caesar Morituri te salutant » Un anv-gwan-verb en da-zont, morituri « ar re a zo o vont da vervel ».

E latin e servij

• en amzerioù kevrennek : Sic est locutus partibus factis leo... .. Gwelout:
• evel anv-gwan en amzer dremenet : partibus factis (ur wech graet al lodennoù)
• evel anv-gwan en amzer da zont : « Ave Caesar, Morituri te Salutant »

E galleg

Daoust ma ne vez ket klevet atav, skrivet e vez disheñvel an anv-gwan-verb war-lerc'h anvioù-kadarn gourel pe wregel, unan pe lies.

• un livre écrit, une œuvre écrite
• les livres écrits, les œuvres écrites

E portugaleg

Evel anv-gwan e kemm an anv-gwan-verb hervez ar reizh hag an niver:

• o livro escrito, a obra escrita
• os livros escritos, as obras escritas

E spagnoleg

Evel anv-gwan e kemm an anv-gwan-verb hervez ar reizh hag an niver:

• el libro escrito, la obra escrita
• los libros escritos, las obras escritas

E saozneg

Digemm eo an anv-gwan verb. Daou seurt zo anezhañ:

• hini ar verboù reizh, skrivet -ed, hogen distaget e meur a zoare
• hini ar verboù direizh, a zo liesdoare