Unvaniezh Kalmar (Kalmarunionen e daneg, norvegeg ha svedeg) a oa bodad teir rouantelezh eus Lec'hlenn Danmark, Sveden ha Norge etre 1397 ha 1523. Eus an amzer-se e teu ar banniel anvet Dannebrog.
![Thumb](http://upload.wikimedia.org/wikipedia/commons/thumb/d/d0/Erik_af_Pommern.jpg/320px-Erik_af_Pommern.jpg)
Dizalc'h e chomas an teir bro, met dre ma oa kreizennet ar galloud e Danmark e savas bec'h e Sveden, hag echuet e voe gant an unvaniezh.
An teir bro
Disheñvel e oa Lec'hlenn ar XIVvet kantved diouzh hini bremañ.
- Brasoc'h e oa Norge. Lodennoù eus aod kornôk Sveden hiziv a oa dezhi. Ouzhpenn-se he devoa Inizi Orc'h ha Shetland ( hiziv e Breizh-Veur, goude bet da Vro-Skos), Island (dizalc'h bremañ), Inizi Faero (douar danat emren) ha Greunland.
- Danmark e oa ar vro pobletañ ha pinvidikañ, ha brasoc'h e oa: dezhi e oa Skania. Mestr e oa war an holl strizhoù-mor a gase d'ar mor Baltek.
- Sveden a oa bihanoc'h e Lec'hlenn, hogen perc'hennañ a rae Finland (dizalc'h hiziv) hag Inizi Åland (hiziv rannvro emren svedek e Finland) ha kreisteiz rannvro Karelia (hiziv e Rusia, abaoe an Eil brezel-bed), hep ar rannvroioù sam en hanternoz al ledenez a vo rannet etre Sveden ha Finland, ha hanternoz Karelia, deuet da vout finlandat, ha rus goude).
An Unvaniezh
Krouet e voe an Unvaniezh en 1397 gant ar rouanez Marc'harid Iañ Danmark (1353–1412), e kêr Kalmar, e Sveden, tost d'an harzoù gant Skania, a oa da Zanmark goude ma oa bet trec'het Alberzh III Mecklenburg, roue Sveden, en 1389 gant armeoù Danmark ha n'en doa ket gallet paeañ e zle-daspren a 60 000 mark arc'hant tri bloaz goude e zieubidigezh. Ar roue Albert, ganet en Alamagn, ne oa ket gwall garet gant noblañsed Sveden, hag ar re-se en em savas enep dezhañ, gant skoazell Danmark hag a glaske lakaat fin d'an Hansa evit ren war ar c'henwerzh e Lec'hlenn.
Marc'harid Iañ Danmark a oa merc'h da Valdemar Atterdag, roue Danemark, ha pried da roue Norge Håkon VI. Lakaat a reas anavezout he gourniz Erik Pomerania evel roue Norge, ha goude e strivas da lakaat e zilenn da roue en div vro all.
![Thumb](http://upload.wikimedia.org/wikipedia/commons/d/d8/Slaegtstavle_til_Kalmar2.gif)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.