An daouboent a zo ur sin diakritek eus al lizherenneg latin hag a ziskouez evel daou boent war ur vogalenn.
| Sinoù diakritek |
|---|
|
Sin diakritek
Breve ( ˘ )
Krogig / Dấu hỏi ( ̉ ) |
| Merkoù all implijet a-wechoù evel sinoù diakritek |
|
Skrab ( ’ ) |
E brezhoneg
E brezhoneg eo an daouboent (¨) ur sin diakritek hag a lakaer war ur vogalenn evit merkañ e ranker disrannañ anezhi diouzh an hini a zo en he raok.
- Kavet e vez dreist-holl war al lizherenn u : eürus, emroüs ;
- Kavet e vez a-wezhioù war al lizherenn i :
- dre ret er ger gouïlh ;
- a-wezhioù, ha dreist-holl er varzhoniezh hag ar c'hanaouennoù, evit merkañ ez eo un i vogalenn hag e talvez eta evit un troatad : alïes.
E yezhoù all
galleg
Ar galleg a implij anezhañ da verkañ ur vogalenn da vout distaget distag diouzh unan all en he raok : naïve, Noël, ambiguïté, aiguë, Pierre Louÿs.
kembraeg
Ar c'hembraeg a ra heñvel : copïo.
nederlandeg
An nederlandeg, ur yezh hag a ra gant kalz divc'hrafennoù a ziv vogalenn, a implij anezhañ e gerioù kemeret diouzh yezhoù latin evel tetraëder, naïviteit, reële, geïnd, reünie, conciërge, koloniën, poëzie, egoïsme, coördinatie, ruïne, vacuüm...
portugaleg
Skrivet e vez ivez cinqüenta hervez reolennoù reizhskrivañ portugaleg Brazil.
spagnoleg
Ar spagnoleg a ra gantañ evit dispartïañ an digramm gu araog e pe i : vergüenza, lingüística.
yezhoù all
Yezhoù all a ra gant an ë evit merkañ ar « schwa », pe evit merkañ emañ mut ar vogalenn (galleg « de Staël » /stal/).
Daouboent hag Umlaut
Dishañval eo an daouboent diouzh an Umlaut.
Da ziwall
Arabat kemmeskañ an daouboent gant an daoubik (:) a zo un arouezenn boentaouiñ.
Gwelit ivez :
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
