Sulawesi
From Wikipedia, the free encyclopedia
Sulawesi (anvet Celebes gwechall e yezhoù Europa) zo unan eus enezennoù brasañ Indonezia. Emañ etre Borneo er c'hornôg, an inizi Maluku er reter hag inizi Timor ha Flores er su. An unnekvet enezenn vrasañ eo er bed, gant ur gorread a 174 600 km². Enni ez eus war-dro 15 milion a dud o chom ha rannet eo e c'hwec'h proviñs e-keñver melestradurezh.
![Thumb](http://upload.wikimedia.org/wikipedia/commons/thumb/6/65/Sulawesi_Topography.png/640px-Sulawesi_Topography.png)
Er c'hreisteiz emañ Makassar (anvet Ujung Pandang gwechall), kêr-benn an enezenn. Ur porzh bras e oa Makassar evit tud an Izelvroioù en amzer ma oa enezeg Indonezia en impalaeriezh trevadennel ar vro-se. Dre ar porzh-se e tremene spisoù an inizi Maluku a-raok bezañ kaset da Europa.
Ouzhpenn an tri c'hard eus annezidi Sulawesi zo muzulmiz. Kristenien zo ivez, e kornioù zo. Bougieg eo ar yezh a vez komzet ar muiañ met meur a yezh all eus ar memes kerentiad zo ivez.
War dachenn ar vevoniezh eo pinvidik-kenañ an enez, gant spesadoù plant ha loened eus tolead Aostralazia. Diwar ar 127 spesad bronneged a gaver e Sulawesi ez eus 79 na vezont kavet e lec'h all ebet er bed. Eizh park natur zo bet savet, en arvor dreist-holl.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.