Staré Město (Praha)

Staré Město pe Staré Město pražské (ar Gêr Gozh pe Kêr Gozh Praha) a zo unan eus lodennoù koshañ kreiz-kêr Praha. Kreiz istorel ar gêr eo, ha lec'hiet eo e ribl dehou ar stêr Vltava. 129 ha eo gorread ar c'harter.

Ur gumun distag e voe betek 1784, hag er bloavezh-se e voe kendeuzet kumunioù Praha : krouet e voe ar gêr hag ar c'humunioù a zeuas da vezañ distrigoù. Anvet eo Kêr Gozh a-benn he diforc'hañ diouzh ar Gêr Nevez (Nové Město) savet gant an impalaer Charlez IV er XIV^vet kantved. Teir straed a zo etre ar Gêr Gozh hag an hini nevez : Národní (stared vroadel), Na Příkopě (War ar Foz) ha Revoluční (straed an dispac'h). Etre ar Gêr Gozh ha Malá Strana e red ar stêr Vltava, hag a-us dezhi emañ Pont Charlez. E Kêr Gozh Praha emañ Josefov, hag a oa ar ghetto, bet meret e-pad pell gant ar Yuzevien o-unan.

Savadurioù pennañ :

Plasenn ar Gêr Gozh (Staroměstské náměstí), ma kaver an tour-ged, Horolaj steredoniel Praha, Iliz Itron Varia Týn, ar monumant da Jan Hus savet gant František Bílek, Palez Kinský
Plasenn ar Republik (Náměstí Republiky), m'emañ Ti ar gumun ha Tour Poultr Praha
Týn, orin ar Gêr Gozh
Klementinum
Ti ar Werc'hez du
Palez Clam-Gallas
Ti ar gumun
kouent Santez-Agnes