![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c2/Int%25C3%25A9rieur_d%2527un_Comit%25C3%25A9_r%25C3%25A9volutionnaire_sous_le_r%25C3%25A9gime_de_la_Terreur.jpg/640px-Int%25C3%25A9rieur_d%2527un_Comit%25C3%25A9_r%25C3%25A9volutionnaire_sous_le_r%25C3%25A9gime_de_la_Terreur.jpg&w=640&q=50)
Spont bras
From Wikipedia, the free encyclopedia
Ar Spont bras (galleg: Terreur) a voe ur mare e-pad ar Dispac'h gall ma voe lazhadegoù a-vras hag ur ren amreoliek . Goustadik eo bet lakaet e-plas, deiziad an enaouadenn a zo disheñvel hervez an istorourien: adal ganedigezh al lezvarnioù dispac'hel e miz Meurzh 1793, lazhadegoù Gwengolo 1792, pe ar c'hentañ pennoù troc'het e Gouhere 1789.
Rann eus | Dispac'h Gall ![]() |
---|---|
Stad | Frañs ![]() |
Lec'h | Kentañ Republik c'hall ![]() |
Deiziad kregiñ | 2 Gwe 1793 ![]() |
Deiziad echuiñ | 28 Gou 1794 ![]() |
Organizer | Comité de salut public ![]() |
![Thumb image](http://upload.wikimedia.org/wikipedia/commons/thumb/c/c2/Int%C3%A9rieur_d%27un_Comit%C3%A9_r%C3%A9volutionnaire_sous_le_r%C3%A9gime_de_la_Terreur.jpg/640px-Int%C3%A9rieur_d%27un_Comit%C3%A9_r%C3%A9volutionnaire_sous_le_r%C3%A9gime_de_la_Terreur.jpg)
Ar gwashañ mare a voe tizhet gant al lazhadegoù goude ma voe bet kemeret ar galloud gant kannaded ar Venezidi (Les Montagnards) e 1793, hag a echuo d'an 28 a viz Gouhere 1794 (d'an 10 a viz ar wrez er bloavezh II), gant kouezhadenn Robespierre ha pa voe dibennet gant darn eus pennoù e luskad.
![Thumb image](http://upload.wikimedia.org/wikipedia/commons/thumb/9/90/LouisXVIExecutionBig.jpg/640px-LouisXVIExecutionBig.jpg)
Goude kouezhadenn ar vonarkiezh c'hall d'an 10 a viz Eost 1792 hag harzhadenn kannaded ar Girondins e-pad devezhioù emsav an 31 a viz Mae hag an 2 a viz Even 1793, ar Venezidi o devoa kemeret ar galloud ha penn an Dispac'h gall.
![Thumb image](http://upload.wikimedia.org/wikipedia/commons/thumb/7/76/Cruikshank_-_The_Radical%27s_Arms.png/320px-Cruikshank_-_The_Radical%27s_Arms.png)
![Thumb image](http://upload.wikimedia.org/wikipedia/commons/thumb/5/51/Olympe_gouges.jpg/320px-Olympe_gouges.jpg)
Ar c'hentañ Republik, e-krog gant ur brezel reveulzier a-enep ur c'hengevread europaat hag enebet dre stumm ur brezel diabarzh a-enep ar roueelourien hag ar gevredadelezh, a vez dindan beli ur galloud dreistordinal diazezet war an nerzh. Ouzhpenn d'an nerzh e oa implijet doareoù maez lezenn hag ar flastridigezh a-enep ar re disfiz warno pe enep-reveulzierien.
Ar flastridigezh a oa da gentañ unan a-enep ar roueelourien, goude-se ar re Girondins, ar re kerreizh, a-raok ma ne vefe ar Venezidi oc'h en em lazhañ etrezo o welet ar re Hébertistes flastret, goude-se ar re Dantonistes hag evit echuiñ ar re Indulgents. Goude trec'hioù al luioù republikan, kanaded ar Plaine, an ez dantonistes ha memes dreistbeverien an hébertistes harpet gant ul lid eus ar Jakobined a voe deuet a-benn da lakaat Robespierre hag e gevredidi da gouezhañ ha da vezañ lakaet d'ar marv d'an 28 a viz Gouhere 1794, echuet e voe neuze evel-se mare ar Spont bras.
E-pad mare ar Spont bras tro 500 000 a dud a voe harzet ha tro 100 000 a voe lakaet d'ar marv pe a voe gouzañverien lazhadegoù direizh; ur 17 000 a oa bet dibennet, 20 000 pe 30 000 fuzuilhet, ha degadoù a milieroù a prizonidi ha trevourien eus Vendée, paotred, maouezed, bugale, a voe gouzañverien e-pad lazhadegoù ar Mans, lazhadegoù Savenay, lazhet gant ar unvezioù stourm ar colonnes infernales, pe e-pad Beuzadegoù Naoned.