![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Sancho_I_el_Craso%252C_rey_de_Le%25C3%25B3n.jpg/640px-Sancho_I_el_Craso%252C_rey_de_Le%25C3%25B3n.jpg&w=640&q=50)
Sancho Iañ León
From Wikipedia, the free encyclopedia
Sancho Iañ León el Craso (935-966), a oa roue León etre 956 ha 958 hag etre 960 ha 966.
![](http://upload.wikimedia.org/wikipedia/commons/thumb/c/c3/Disambiguation.svg/20px-Disambiguation.svg.png)
![Thumb image](http://upload.wikimedia.org/wikipedia/commons/thumb/d/db/Sancho_I_el_Craso%2C_rey_de_Le%C3%B3n.jpg/640px-Sancho_I_el_Craso%2C_rey_de_Le%C3%B3n.jpg)
Mab e oa da Ramiro II León ha d'e eil pried, Urraca Sánchez, infantez Rouantelezh Navarra ; mab-bihan e oa d'ar roue Sancho Garcés Iañ ha Toda de Pamplona.
Goude Ramiro II, en 951, e renas e vab Ordoño III, met enebiñ a reas an infant Sancho evit kaout e lod eus an hêrezh. Skoazell a gavas digant e eontr García II Navarra, digant e vamm-gozh Toda Navarra, digant kont Kastilha, Ferdinand González.
Daoust da se e voe trec'h Ordoño IIIwar e enebourien dindan mogerioù kêr León, met Kalif Cordoba, Abd al-Rahman III, a oa niz ivez da Toda Navarra, a roas e vad eus ar brezel-se evit treuziñ an harzoù, en Galiza dreist-holl, eus 951 da 953, ma rankas Ordoño goulenn ar peoc'h e Cordoba en 955, ha plegañ da reiñ pe da zistrujañ darn eus e greñvlec'hioù tost d'an harzoù. Er memes koulz e ranke ar c'halif ober brezel d'ar Fatimided en Afrika.