![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2c/Polidoro_da_Caravaggio_-_Saturnus-thumb.jpg/640px-Polidoro_da_Caravaggio_-_Saturnus-thumb.jpg&w=640&q=50)
Sadorn (doue)
From Wikipedia, the free encyclopedia
Sadorn eo anv brezhonek an doue roman kozh Saturnus, a oa Kronos gant tud Hellaz kozh. Debriñ a reas e vugale gant aon o dije lamet e c'halloud digantañ. Mab e oa da Uranus, an Oabl, ha da Tellus, an Douar. Distroadañ a reas e dad ha goulenn a reas digant e vreur henañ Titan ren en e lec'h. Hag e vreur da asantiñ, gant ma lazhje e holl vugale, evit ma renfe bugale Titan war e lerc'h.
![Thumb image](http://upload.wikimedia.org/wikipedia/commons/thumb/f/f7/GiorcesBardo6.jpg/640px-GiorcesBardo6.jpg)
![Thumb image](http://upload.wikimedia.org/wikipedia/commons/thumb/2/2c/Polidoro_da_Caravaggio_-_Saturnus-thumb.jpg/640px-Polidoro_da_Caravaggio_-_Saturnus-thumb.jpg)
Dimeziñ a eure da Ops (doare roman Rea), pe da g-Kibele hervez skridoù zo, ha bugale en doe diganti, nemet o debriñ a eure evel a oa dleet, hervez an emglev gant e vreur. Dre ma ouie e vije diskaret un deiz gant ur mab dezhañ e c'houlenne groñs digant e wreg kaout ar vugale nevez c'hanet. Dont a reas ar vamm a-benn da saveteiñ Yaou. Hag ar mab-se, pa voe deuet bras, areas brezel d'e dad, hag e voe trec'h warnañ, ma voe kaset Sadorn gantañ añ er-maez eus an oabl. Rouzet ar bloneg da vibien Titan evel-se.