![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Principalities_of_Kievan_Rus%2527_%25281054-1132%2529.jpg/640px-Principalities_of_Kievan_Rus%2527_%25281054-1132%2529.jpg&w=640&q=50)
Rous Kyiv
From Wikipedia, the free encyclopedia
Rous Kyiv, Rus Kyiv, Stad Kyiv, Priñselezh Kyiv zo ur briñselezh slav a zo padet eus ar IVvet kantved betek an XIIIvet kantved, hag a zo bet bruzunet goude gant aloubadeg ar Vongoled, adal 1223, ma voe peurziskaret a-benn 1240. Rous eo ar c'hoshañ stad boutin d'an teir stad slav a hiriv, Belarus, Rusia, hag Ukraina.
![Thumb image](http://upload.wikimedia.org/wikipedia/commons/thumb/d/db/Principalities_of_Kievan_Rus%27_%281054-1132%29.jpg/640px-Principalities_of_Kievan_Rus%27_%281054-1132%29.jpg)
Savet e oa bet gant ar Vareged, renet, hervez ar vojenn, gant ar penn viking Ryourik, ha diazezet e Novgorod. Dont a ra an anv Rous eus ar ger varegek rodslagen (« bro ar stur »).
E dibenn an IXvet kantved e voe lakaet ar gêr-benn e Kyiv, ur gêr slav kemeret gant ar Vareged en 864, hag a oa, betek neuze, sujet d'ar bobl Khazar, ur bobl turk, kantreerien anezho. En XIvet kantved eo Rous Kyiv a oa brasañ stad Europa, adal ar Mor Du betek ar Volga, Pologn, Lituania. Liesseurt e oa, gant pobloù slav, german, finn, ha balt.