Ur redadeg a vez lavaret eus pezh a ra tud o redek a-gevret. Pa ne vez nemet un den o redek e komzer eus redadenn un den.
![Thumb](http://upload.wikimedia.org/wikipedia/commons/thumb/0/04/%D0%91%D0%95%D0%93.jpg/320px-%D0%91%D0%95%D0%93.jpg)
Peurvuiañ e klask ar rederien redek buanañ ma c'hallont evit gounit. Ur gevezadeg tizh eo neuze.
A bep seurt redadegoù a vez, ha redek a vez graet e meur a zoare :
- Redek war droad :a bep seurt a zo, adalek 100 metrad betek 42,195 kilometrad
- Redek ha reteriñ : gant ur gartenn hag un nadoz-vor,
- Redadegoù kirri : war hentoù pe en un drova,
- Redadegoù kezeg,
- Redadegoù kezeg-houarn: war an hent pe en ur marc'hhouarnva, gwelout : redadeg war varc'h-houarn,
- Redadegoù kezeg-tan,
- Redadegoù kezeg sterniet : d'an drot,
- Redadegoù chas : gant levrini peurvuiañ.
En atleterezh e vez termenet pizh an traoù pa gomzer eus an diskiblezhioù olimpek :
- ar redadegoù tizh berr pe sprint berr, en o zouez :
- 100 metrad,
- 100 metrad lamm-garzh (evit ar merc'hed hepken),
- 110 metrad lamm-garzh (evit ar baotred hepken),
- 200 metrad,
- 4x100 metrad a eiladoù.
- ar redadegoù tizh hir pe sprint hir, en o zouez :
- 400 metrad,
- 400 metrad lamm-garzh,
- 4x400 metrad a eiladoù.
- ar redadegoù damhir pe grenn, en o zouez :
- 800 metrad,
- 1 500 metrad
- 3 000 metrad steeple.
- ar redadegoù hir, en o zouez :
- 5 000 metrad,
- 10 000 metrad,
- maraton.
Estreget ar maraton an holl gevezadegoù-se a vez redet war roudenn.
E-touez dek diskiblezh dekatlon ar baotred e kaver peder redadeg : 100 metrad, 110 metrad lamm-garzh, 400 metrad ha 1 500 metrad.
E-touez seizh diskiblezh heptatlon ar merc'hed e kaver teir redadeg : 100 metrad lamm-garzh, 200 metrad ha 800 metrad. Graet e vez kevezadegoù kevredet eus an heptatlon hag an dekatlon.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.