Rügen
From Wikipedia, the free encyclopedia
Rügen (distaget [ˈʁyːgən] en alamaneg) zo un enezenn er Mor Baltel, war aod biz Alamagn. Enezenn vrasañ Alamagn eo. En em astenn a ra war 926 km² ha poblet eo gant war-dro 77 000 a dud (e 2006). Bergen auf Rügen eo ar gêr vrasañ, hag enni 14 240 annezad (e 2011). Un darn eo an enez eus Landkreis Vorpommern-Rügen.
![Thumb image](http://upload.wikimedia.org/wikipedia/commons/thumb/4/42/Mecklenburg_wp_rueg.png/240px-Mecklenburg_wp_rueg.png)
![Thumb image](http://upload.wikimedia.org/wikipedia/commons/thumb/d/df/Ruegen-kreidefelsen.jpg/320px-Ruegen-kreidefelsen.jpg)
![Thumb image](http://upload.wikimedia.org/wikipedia/commons/thumb/a/a7/Caspar_David_Friedrich%27s_Chalk_Cliffs_on_R%C3%BCgen.jpg/640px-Caspar_David_Friedrich%27s_Chalk_Cliffs_on_R%C3%BCgen.jpg)
livet gant Caspar David Friedrich.
Abaoe 1936 eo staget ouzh an douar-bras dre ur chaoser 2,5 kilometr hed anvet Rügendamm, hag en em astenn etre kêr Stralsund war an douar-bras hag an enezenn. Etre 2004 ha 2007 e oa bet savet ur pont all, ar Rügenbrücke pe Strelasundbrücke, da dreuziñ ar vrec'h-vor. Gant bagoù e c'haller mont eus Rügen da dTrelleborg e Sveden ha Klaipėda e Lituania.
Pell zo eo brudet kouronkoù hag aodoù Rügen (dreist-holl tornaodoù kleiz ledenez Jasmund a voe taolennet gant al livour Caspar David Friedrich). Hiziv ez eo al lec'h eus Alamagn a zegemer ar muiañ a douristed e-pad an hañv.
- Binz.
- Nationalpark Jasmund.