From Wikipedia, the free encyclopedia
Priñselezh Piemonte a oa unan eus Stadoù Savoia.
E 1418 e varvas dibennhêr Ludovico di Savoia-Acaia (1364-1418), anezhañ diwezhañ ezel eus e diegezh Savoia-Acaia.
Pried e oa da Vona di Savoia (1388-1432), c'hoar da Amedeo VIII (1383-1451), kont ha goude dug Savoia, a zegouezhas aotrouniezh Piemonte gantañ neuze.
E 1424 e reas ur briñselezh e Piemonte, hag e anvas e vab henañ Amedeo (1412-1431) da briñs Piemonte.
Chom a reas an titl en implij a-hed istor rouantelezh Sardigna, ha hini rouantelezh Italia.
D'an 2 a viz Mezheven 1946 e voe aozet ar referendom ma tibabas pobl Italia sevel ur republik e-lec'h ur vonarkiezh. Adal neuze e oa echu gant ar briñselezh hag an titl a briñs, ha lakaet e voe Piemonte d'ur rannvro eus Italia.