Polifemos (en henc'hresianeg : Πολύφημος Polúphêmos, ger-ha-ger « a gomz kalz, teodek » pe « illur ») zo ur c'hiklop eus mojennoù Hellaz kozh, hag a oa mab da Boseidon ha d'an nimfenn Thoosa.
![Thumb](http://upload.wikimedia.org/wikipedia/commons/thumb/c/c2/Polyphemos-MuseumOfFineArtsBoston-March25-07.png/640px-Polyphemos-MuseumOfFineArtsBoston-March25-07.png)
![Thumb](http://upload.wikimedia.org/wikipedia/commons/thumb/f/fe/Polyphemus_Eleusis_2630.jpg/640px-Polyphemus_Eleusis_2630.jpg)
Ar vojenn
En Odisseia e lenner ez eas Odisseüs hag e listri betek enezenn ar Gikloped ma voe tapet an haroz Odisseüs, ha darn eus e dud, gant ar c'hiklop Polifemos a blaouias lod anezhe. Dont a rejont a-benn da dec'hel kuit a-drugarez d'un dro-gamm graet gant Odisseüs : mezviñ ar c'hiklop a reas gant gwin kemeret digant ar Gikoned, a-raok tarzhañ lagad nemetañ an euzhvil e-pad e gousk.
Odisseüs en doa touellet Polifemos da gentañ o lavarout e oa Outis e anv, ar pezh a dalvez "nikun" pe "den ebet". Ha pa ziredas kenvroidi Polifemos d'e sikour e c'houlennjont petra a c'hoarveze gantañ : hag eñ da zisplegañ edo o paouez bezañ dallet gant den ebet, hag e tremenas evit un inosant. Kuitaat a rejont groc'h ar c'hiklop goude se o kuzhat dindan deñved ramzel ar c'hiklop p'o leze da vont da beuriñ. Met d'ar c'houlz ma'z ae kuit e lestr eus an enezenn, ne voe ket Odisseüs evit miret a ziskuliañ e anv gwirion da c'hoapaat Polifemos. Hennezh, kounnaret-ruz, a daolas roc'helloù bras trema al lestr, ha darbet e oa dezhañ flastrañ anezhañ. Goude-se e c'houlennas digant e dad Poseidon veñjañ anezhañ, o virout ouzh Odisseüs da zistreiñ biken d'e vro, pe, mard e oa tonket d'en ober, o lezel anezhañ da zistreiñ d'e vro goude poanioù hir, war ur vag estren, kollet gantañ holl e geneiled, ha ma ne gavfe er gêr nemet reuz ha gwalleur.
- Polifemos (entre 1639 ha 1640) gant Guido Remi (1575–1642) B
- Polifemos o skeiñ reier gant bag Odisseüs, gant Arnold Blöcklin.
Pennadoù kar
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.