![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/Monica_Belluci_at_Miami_Film_Festival_2016_%2528cropped%2529.jpg/640px-Monica_Belluci_at_Miami_Film_Festival_2016_%2528cropped%2529.jpg&w=640&q=50)
Monica Bellucci
aktourez italian / From Wikipedia, the free encyclopedia
Monica Bellucci zo un aktourez italian ganet d'an 30 a viz Gwengolo 1964 e Città di Castello, en Ombria, Italia. Gouzout a oar komz italianeg, galleg ha saozneg flour.
Reizh pe jener | plac'h ![]() |
---|---|
Bro ar geodedouriezh | Italia ![]() |
Anv e yezh-vamm an den | Monica Bellucci ![]() |
Anv ganedigezh | Monica Anna Maria Bellucci ![]() |
Anv-bihan | Monica, Anna, Maria ![]() |
Anv-familh | Bellucci ![]() |
Deiziad ganedigezh | 30 Gwe 1964 ![]() |
Lec'h ganedigezh | Città di Castello ![]() |
Pried | Vincent Cassel ![]() |
Kompagnun(ez) | Tim Burton, Nicola Farron ![]() |
Bugel | Deva Cassel, Léonie Cassel ![]() |
Yezh vamm | italianeg ![]() |
Yezhoù komzet pe skrivet | italianeg, galleg, saozneg, spagnoleg ![]() |
Micher | aktour sinema, model, voice actor, aktour, fashion model ![]() |
Bet war ar studi e | University of Perugia ![]() |
Deroù ar prantad labour | 1977 ![]() |
Liv an daoulagad | hazel ![]() |
Liv ar blev | dark brown hair ![]() |
Prizioù resevet | Marc'heg al Lejion a Enor, Donostia Award, Lejion a enor (Bro-C'hall) ![]() |
Bet kinniget evit | Jameson People's Choice Award for Best Actress ![]() |
Dileuriet gant | Elite Model Management, Storm Management ![]() |
![Thumb image](http://upload.wikimedia.org/wikipedia/commons/thumb/2/26/Monica_Bellucci%2C_Women%27s_World_Awards_2009_a.jpg/640px-Monica_Bellucci%2C_Women%27s_World_Awards_2009_a.jpg)
D'he 18 vloaz he doa lakaet hec'h anv e skol-veur Perugia evit studiañ ar gwir. Evit paeañ he studioù e oa krog da vezañ diskouezerez-giz. Daou vloaz war-lerc'h e oa paouezet gant he studioù da vont da Vilano, sinet ganti ur gevrat e ti Elite.
War un dro gant he micher e oa krog da gemer kentelioù war arz ar c'hoariva. c'hoari a reas neuze en ur film-skinwel savet gant Dino Risi, Vita coi figli (1990), a-raok c'hoari e-barzh La Riffa (1991) gant Francesco Laudadio. Gant Francis Ford Coppola goude e voe kinniget dezhi un tammig tremen en e film Dracula (1992).
Labourat a reas war-dro un nebeud filmoù en Italia, a-raok erruout e Bro-C'hall, ma c'hoarias e-barzh L'Appartement (1996), ur film gant Gilles Mimouni, a dalvezo dezhi bezañ meneget en abadenn ar Césars evel "gwellañ danvez-aktourez".
E-keit ma oa-hi oc'h ober ar film dister-se eo e tegouezhas gant Vincent Cassel, a zo deuet da vezañ he gwaz, hag he deus bet ur verc'h gantañ, Deva hec'h anv, d'an 12 a viz Gwengolo 2004.
Gwaz ha gwreg a vo gwelet a-gevret er film Dobermann (1997) gant Jan Kounen hag Irréversible (2002) gant Gaspar Noé, ma c'hoari ur wreg gwallet, hag er fim spierezh Agents secrets (2004) gant Frédéric Schoendoerffer.
Gwelout a reer anezhi ivez e filmoù gall arc'hantet-bras evel Le Pacte des loups (2001) hag Astérix et Obélix : Mission Cléopâtre (2002): hi eo Kleopatra.
![Thumb image](http://upload.wikimedia.org/wikipedia/commons/thumb/e/e0/Monica_Bellucci_%28cannesPhotoCall%29-.jpg/320px-Monica_Bellucci_%28cannesPhotoCall%29-.jpg)
War un dro e krog da c'hoari e filmoù amerikan. Kemer a ra lec'h Romy Schneider e Suspicion (2000), ar film amerikan savet diwar ar film gall Garde à vue, ha goude gant Bruce Willis e-barzh Les Larmes du soleil (2003), ur film brezel savet gant Antoine Fuqua.
A-unan gant Lambert Wilson e vo gwelet e daou eus ar filmoù Matrix : Matrix reloaded ha Matrix revolutions. Hag ivez evel Mari-Madalen e film Mel Gibson Pasion ar C'hrist (2004). Lubaniñ a ra Ar vreudeur Grimm hag ar filmaozer Terry Gilliam. Splannañ a ra e Le Concile de Pierre (2006) ar filmaozer gall Guillaume Nicloux.
E 2007 e voe gwelet o c'hoari ar bolitikourez Sonia Gandhi en ur film nevez: dibabet e oa bet un tamm peogwir eo italianez evelti.