Maketenn
From Wikipedia, the free encyclopedia
Ur vaketenn, pe lunell, zo un doare da skeudenniñ, en un doare klok pe diglok, ur sistem pe un objed bennak (a zo anezhañ pe a fell d'an nen sevel), evit klask anezhañ, kadarnaat e dresoù pe gwiriañ hag-eñ ez aio mat en-dro. Gallout a ra bezañ savet c'hoazh evit c'hoari, ober un dastumadeg pe evit displegañ traoù d'an dud.
Gallout a ra bezañ savet e daou pe tri ment, diwar ur skeul resis, brasoc'h pe vihanoc'h diouzh an ezhommoù, gant ma vo aesoc'h gwelet ha daouarnañ. Gallout a ra chom difiñv pe bezañ gouest da fiñval (evel un oto pell-urzhiet).
Un doare maketenn all eo ar patrom bihanaet, da lavaret eo un dastumad pezhioù evit adsevel er gêr un objed bennak (otoioù, bigi, kirri-nij...).