Louison Bobet a oa deskard bouloñjer e ti e dad pa oa yaouank. Mont a rae alies da gas bara da di an dud war e varc’h-houarn.
War ar vicher a varc’hhouarner e oa bet adalek 1947 betek 1961. 122 redadeg war varc'h-houarn en doa gounezet er bloavezhioù-se. Ouzhpenn bezañ bet ezel eus skipailh Frañs da-geñver Tro Bro-C'hall pe Kampionadoù ar bed e voe ezel eus meur a skipailh: «Stella» adalek 1948 betek 1955, «Mercier» adalek 1955 betek 1960 ha da echuiñ «Ignis» e 1961.
E vreur Jean Bobet a voe reder ur pennad gantañ ivez.
Paouez a reas gant e vicher d'an 10 a viz Eost1962. Da c'houde e cheñchas micher penn-da-benn hag ijinañ a reas ur meizad yec'hed-dudi dre grouiñ ar greizenn vorvezegiezh kentañ e Kiberen. E Miarritze e krouas un eil kreizenn war-lerc'h.
D'ar 27 a viz Gouhere 1967ec'h euredas da Marie-Josette Laroche e Tredion.
Ezelañ a reas d'an RPR ha kuzulier e voe e Kiberen. Troet e oa gant sturiañ kirri-nij, prenañ a reas ur Beechcraft, ha div wech e treuzas gantañ ar Meurvor Atlantel, gant e vab Philippe, aersturier a vicher.
Champion des champions français L'Equipe: 1953, 1954
Tro Italia 1951: 7vet er renkadur hollek, 1 tennad gounezet gantañ
Tro Italia 1953: Dilez
Tro Italia 1957: 2l er renkadur hollek, 1 tennad gounezet gantañ ha gwellañ pigner
Tro Italia 1958: 4e er renkadur hollek
Jean Bobet, Louison Bobet. Une vélobiographie, embannadurioù Gallimard, dastumad «L'Air du temps», 1958 (Adembannet gant La Table ronde, dastumad «La Petite Vermillon», e 2003)